Pesalemo 78:72 - Tosi Tapu

⁷² Ti na fagai loa latou e Tavite i se loto agatonu, Ti na takitaki loa e ia latou ki ni lima poto.

Pesalemo 78:72 ပူးပေါင်းရင်းမြစ်များ

Lua tosi a Samuele 8:15

Na pule loa Tavite i Iselaele, ti na fakamaaui e ia lona kakai i le faitotonu.

Uluaki tosi o Sau 15:5

Talie na fai e Tavite le nea leia e totonu i mua o le Eteleno, ti na leaise mafuli kese a ia mei se fakatotonu e tasi a le Eteleno i lona mauli katoa, gato fai ki le faiganea o Uli, le tagata Eti.

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Uluaki tosi o Sau 9:4

Ti ko koe, kapau e ke saele loa i oku mua ofaipe le saele a Tavite, lou tamana, i le loto sako mo le agatonu, ke fai a nea fuli ala na kau fakatotonu kiate ia, ti kapau e ke taupau aku lao mo aku fakatotonu,

Pesalemo 75:2

E motou fakafetai kiate koe, ei Atua ! e motou fakafetai kiate koe : E lasi lou suafa i omatou gutu ; E motou fakasa au nea malilie.

Esekiele 34:2

Vosa o le tagata, kikite ki le kau tausi manu o Iselaele ! kikite, o pati kia latou, ki le kau tausi manu : E folafola le Aliki, le Eteleno, o pati : Malaia ki le kau tausi manu o Iselaele, latou ala e fagai ia latou totonu ! Pe leaise tonu ke fagai e le kau tausi manu le kau manu ?

Gaoi 13:22

ti sili lana tiaki a ia, na fakanofo loa e ia Tavite ko lolatou sau, leia na fakamaoki loa a ia ki ai, o pati : Kua kau maua Tavite, Vosa o Isaia, tagata e tatau mo loku loto, leia e fai ia loa loku loto katoa.

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Lua tosi kia Timoteo 2:15

Faiga ke ke tuu i mua o le Atua ofaipe se tagata kua fakamaoki, leia e leaise luma fua i lana gaoi, ti e vaevae totonu ia le folafola o le maoki.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.