Pesalemo 78:71 - Tosi Tapu

⁷¹ Na too loa e ia a ia i muli o ovi fafine ala na fakau ia olatou uviki, O tupu ke tausi e ia Sakopo, lona kakai, Ti mo Iselaele, lona tofiga.

Pesalemo 78:71 ပူးပေါင်းရင်းမြစ်များ

Senesi 33:13

Kae na tali loa Sakopo kiate ia : E iloa e loku aliki e gagae a toe, ti e tonu ke fakaeteete ki ovi fafine mo pipi fafine ala e nofo mo uviki ; kapau e fakamakeke latou ke saele i se aso katoa, ti e mamate loa le kau manu katoa.

Lua tosi a Samuele 20:19

Ko le kolo leinei, ko se kolo e kau ki kolo tokamalie mo agatonu o Iselaele ; ti e ke afa ke ke tamate se kolo leia ko se tinana i Iselaele ! Kolea ka ke maumaui ai loa le tofiga o le Eteleno ?

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Lua tosi a Samuele 5:2

I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Lua tosi a Samuele 7:8

I le lakaga nei, e ke pati loa ki laku tagata fakasausau ko Tavite : Ko leinei le folafola a le Eteleno o kau tau : Na kau too a koe mei le lotoa manu i muli o kau ovi, o tupu ke ke liliu ko le pule o loku kakai, ko Iselaele ;

Uluaki tosi o Koloniko 11:2

I mua, i le koi sau o Saulo, ko koe leia na taki ia Iselaele ki le tau. Na pati atu loa le Eteleno, lou Atua kiate koe : E ke fagai loa loku kakai ko Iselaele, ti e ke liliu loa ko le pule o loku kakai ko Iselaele.

Pesalemo 28:9

Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Mateo 2:6

Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?