Pesalemo 78:51 - Tosi Tapu

⁵¹ Na tamate loa e ia a uluaki tupu fuli o Esipito, A uluaki fua o le makeke i lalo o falela o Kami.

Pesalemo 78:51 ပူးပေါင်းရင်းမြစ်များ

Senesi 10:6

Ko vosa o Kami : Ko Kusi, mo Misilaimi, mo Puti, mo Kanaane.

Senesi 49:3

Lupeni, ko koe ko loku vosa uluaki, Ko loku makeke ti ko uluaki fua o loku makeke. E ke fakalaka i ou fetaina i le mamalu mo le makeke ;

Pesalemo 105:23

Ti na au loa Iselaele ki Esipito, Ti na nofo loa Sakopo i le fenua o Kami.

Pesalemo 105:27

Na la fai loa ni nea fakatalatupua i lona makeke i loto malie o olatou fili, Io, na la fai loa ni milakulo i le fenua o Kami.

Pesalemo 105:36

Na taai loa e ia a uluaki tupu fuli i lolatou fenua, A uluaki fua fuli o lolatou makeke.

Pesalemo 106:22

Mo ni milakulo i le fenua o Kami, Mo ni nea fakatalatupua i le Tai Kula.

Pesalemo 135:8

Na taai loa e ia a uluaki tupu o Esipito, Mei tagata o kaku ki manu.

Pesalemo 136:10

Ko ia leia na tamate ia a uluaki tupu o le kau Esipito, Talie e lee gato lona manava alofa !

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 13:15

kae, i le fakafefeka e Falaone o lona loto, o leaise tuku e ia matou ke ano, na tamate loa e le Eteleno a uluaki fuli i le fenua o Esipito, mei uluaki o tagata o kaku ki uluaki o manu. Ko lena le tupuaga o laku momoli ki le Eteleno le sakilifisio ki manu tagata uluaki fuli, ti mo laku totogi ai a uluaki fuli o oku vosa.

Epelo 11:28

Ko le tui leia na momoli ai loa e ia le Pasikate, ti na afusi ai loa e ia le toto, o tupu ke aua na fafa le tagata tukipo ki fanau uluaki a le kau Iselaele.