Pesalemo 78:13 - Tosi Tapu

¹³ Na vaelua loa e ia le tai, ti na fakamavaa loa e ia kia latou se ala, Na fakatuuga loa e ia a vai ofaipe ni paa.

Pesalemo 78:13 ပူးပေါင်းရင်းမြစ်များ

Pesalemo 38:7

E kau mapelu lua ki lalo, ti e kau maemaeia lasi ai ; E kau saele i le mamae i le aso katoa.

Pesalemo 66:6

Na fetogi loa e ia le tai ko se kele malo, Na fakalaka loa i le vaitafe i vae : Koia na motou fiafia loa iate ia.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:22

Na ulu loa fanau a Iselaele ki loto malie o le tai leia kua malo, ti na tuu loa a vai o fakakaua i le fetuu atamai mo le fetuu sema.

Ekesote 14:29

Kae na saele loa fanau a Iselaele i le malo i loto malie o le tai, ti na tanaki le vai o fakakaua i lolatou fetuu atamai mo lolatou fetuu sema.

Ekesote 15:8

I le tukumanava o ou pogoisu, na fakatuuga a vai, Na tanaki a vaitafe ofaipe se kaua, Na lotou fefeka i loto malie o le tai.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Esaia 63:13

Leia na taki ia latou i loto malie o galu, Ofaipe se osi mauvave i le toafa, Ti na leaise siga fua se tasi ?

Apakuki 3:15

E ke takatakafi le tai ki au osi, mo le pela o atu vai lalasi.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Sosue 3:16

na tuu loa a vai ala na tafe mei mua, o tanaki pe se kaua i se ganea leia na mamao meia latou i mua, i Atama, kolo leia e tuu i tafa o Salatani ; ti na masa katoa loa le vai leia na tafe ki le tai Mate. Na fakalaka loa le kakai i le Solotane i mua o Seliko.