Pesalemo 77:3 - Tosi Tapu

³ I le aso o loku mamae, e kau afa le Aliki ; I le pouli, e leaise toe manavanava le siki o oku lima kiate ia. E leaise tali e loku laumalie se fakapelepele.

Pesalemo 77:3 ပူးပေါင်းရင်းမြစ်များ

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Sopo 15:11

Pe ke fakanoai a fakapelepele a le Atua kiate koe, Mo masau malilie ala e fai atu kiate koe ?…

Sopo 31:23

Talie e fakaii ai le tua a le Atua kiate au, Ti e leaise mafai ke kau fai se nea i mua o lona agai.

Sopo 6:4

Talie kua kau pupu i gasau a le Mafimafi, Ti e inu e loku laumalie lona kona ; Kua tuu mai kiate au a nea fakaii fuli a le Atua.

Sopo 7:11

Koia e leaise kau toe tapono loa loku gutu, E kau masau loa i le lasi o le mamae o loku loto, E kau tagi loa i le lasi o le kona o loku laumalie.

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Pesalemo 42:5

E kau manatui le temi leia na kau saele ai kae takatakai au e le kakai, Ti na kau taki ai latou ki le fale o le Atua, i loto malie o ni kalaga fakafiafia mo ni fakafetai A se kakai toka api i aso lalasi.

Pesalemo 43:5

Kolea e ke mamae ai, ei loku laumalie, ti e ke tagi ai i loku loto ? Ke ke amanaki malie ki le Atua, talie e kau toe fakafetai loa kiate ia. Ko ia ko loku fakamauli mo loku Atua.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 61:2

Ei Atua ! fakalogo mai ki aku tagi, Tokaga mai ki laku kole !

Katiko o Katiko 3:1

I loku moeaga, i lolotoga o pouli, Na kau afa leia e alofa ki ai loku laumalie ; Na kau afa a ia, kae na leaise kau maua a ia…

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Selemia 17:17

Aua na ke liliu kiate au ko se nea fakaii, A koe ko loku mumuniaga i le aso o le malaia !

Tagi laulau a Selemia 3:17

Kua ke too iate au le tokamalie ; E leaise koi kau iloa le fiafia.

Tagi laulau a Selemia 3:39

Kolea e lauga ai le tagata mauli ? Ke tasi lauga le tagata ki ana agasala totonu.