Pesalemo 76:6 - Tosi Tapu

⁶ Kua lotou telefua, latou ala na loto toa, Kua lotou momoe i le moe fakaoki ; Na leaise lotou mafai ke lotou saofaki latou, latou ala ko ni tagata tau fuli.

Pesalemo 76:6 ပူးပေါင်းရင်းမြစ်များ

Lua tosi a Samuele 10:18

Kae na sosola loa le kau Silia i mua o Iselaele. Ti na tamate loa e Tavite a kau tau o saliote e kau lelau fitu ti mo ni tagata ekeosi e tino fa afe ; na tamate foki e ia le pule o lalatou solia ko Sopake.

Lua tosi o Sau 19:35

I le po lena, na ifo mai loa le aselo o le Eteleno, ti na tamate loa e ia i le nofolaga tau o le kau Asilia a tagata e tino lelau tino valu tupu lima afe. I le ala usu ake, ko leinei, kua mamate a tagata fuli.

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Pesalemo 104:7

Kae na lotou sola i lau valoki, Na lotou puna i le leo o lou mana.

Pesalemo 18:15

Na fana loa e ia ana gasau, ti na veteki loa e ia oku fili, Na liuliuga loa e ia a fatuliki, ti lotou sosola loa.

Pesalemo 80:16

Puipui le nea leia na to e lou lima atamai, Ti mo le vosa leia na ke filifili !…

Ekesote 15:1

Ti na sua loa e Moisese mo fanau o Iselaele le katiko leinei ki le Eteleno. Na lotou pati loa : E kau sua loa ki le Eteleno, talie kua fakamapa e ia lona kololia ; Kua laku e ia ki le tai le osi mo le tagata ekeosi.

Ekesote 15:10

Na ke pupusi lau tukumanava : Ti na lotou lofia i le tai ; Na lotou ogo ofaipe se potu pulu, O kaku ki le takele o le moana.

Ekesote 15:21

Na tali loa Malia ki fanau a Iselaele, o pati : Kotou sua ki le Eteleno, talie kua fakasa e ia lona kololia ; Na laku e ia ki le tai le osi mo le tagata ekeosi.

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Selemia 51:39

Kae ka lotou kamata velaia loa, e kau fakainu loa latou, E kau fakainu loa latou ke konana, ke lotou fakafiafia, Ti ke lotou momoe o talu oki, e leaise lotou toe ala ake loa, e pati le Eteleno.

Selemia 51:57

E kau fakainu loa ona sau ke konana, Mo ona kau poto, mo ona kovana, mo ona pule, mo ona tagata solia ; E lotou momoe loa i se moe lee gato, ti e leaise lotou toe ala loa, E pati le sau, leia e suafa ko le Eteleno o kau tau.

Esekiele 39:20

E kotou makokona loa i loku laupapa i le kanofi o osi mo le kau ekeosi, I le kanofi o le kau toa mo kau tau fuli, E pati le Aliki, le Eteleno.

Naume 1:6

Ko ai e tuu loa i mua o lona sausau ? Ko ai e tuu loa i mua o lona sausau lasi ? E mafola lona sausau ofaipe le afi, Ti e mafaafaa a utu i ona mua.

Naume 2:13

Na sae e le laione tagata ki ona uviki, Ti na tamate e ia ki ana laione fafine ; Na fakaapele e ia ona ana ki nea kai Ti mo ona nofoaga ki mate.

Naume 3:18

E tulemomoe au tagata tausi manu ; E malolo au tagata tau makeke ; Kua mavete lou kakai i atu mauga, Ti e leaise tasi e fakatasi ia a ia.

Sakalia 12:4

I le aso lena, e pati le Eteleno, E kau taai loa a osi fuli ki le ulu vale, Ti mo latou ala e eke i osi ki le valea. Kae e kau fakamavaa loa oku mata ki le fale o Suta, I le aso leia e kau tautea ai loa ki le kivi a osi fuli o kakai.

Uluaki tosi a Samuele 26:12

Na too loa e Tavite le tao mo le fa vai, ala na tuku i fugaulu o Saulo ; ti na la ano loa. Na leaise tio fua se tasi kia laua pe iloa se nea, talie na leaise ala fua se fa toka tasi, talie kua lotou moe mate, o tupu kua vilo kia latou se fia moe mei le Eteleno.