Pesalemo 76:12 - Tosi Tapu

¹² Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Pesalemo 76:12 ပူးပေါင်းရင်းမြစ်များ

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Pesalemo 2:10

Ti ko leinei, kau sau, ke kotou takitaki i le poto ! Kau tui fakamaau o le malama nei, ke kotou tali aku akonaki !

Pesalemo 2:5

Ti e folafola a ia kia latou i lona ita, Ti e fakamamae e ia latou i lona sausau lasi :

Pesalemo 47:2

Kotou fuli, atu kakai, ke kotou pasipasi okoutou lima ! Ke kotou fai ni kalaga fakafiafia ki le Atua !

Pesalemo 50:14

Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Pesalemo 68:12

E tuku e le Aliki se folafola, Ti ko le kau fafine avelogo malilie e faipe se kau solia :

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Levitiko 23:38

E kotou tausi kese fai a sapato o le Eteleno, ti kotou soko atu aifai le fai o akoutou moliga ki le Eteleno, mo akoutou sakilifisio ki le fakasoko o ni fakapapau, ti mo akoutou moliga i le loto alofa.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Apokalipisi 6:15

Ti ko sau o le malama nei, mo le kau lalasi, mo le kau pule solia, mo le kau mou koloa, mo le kau makeke, mo le kau popula fuli, ti mo le kau lauatea fuli, na mumuni loa i loto o ana, i lalo o fatu o mauga.