Pesalemo 75:7 - Tosi Tapu

⁷ Talie e leaise ko le potu esite, pe ko le potu uesite, Pe ko le toafa, e au mei ai le fakamauiga.

Pesalemo 75:7 ပူးပေါင်းရင်းမြစ်များ

Lua tosi a Samuele 5:2

I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Lua tosi a Samuele 6:21

Na tali loa Tavite kia Mikale : Ko mua ala o le Eteleno, leia na filifili ia au ke mua i lou tamana mo lona fale katoa, leia na fakanofo ia au ke pule ki le kakai a le Eteleno, ki Iselaele, ko mua o le Eteleno leia na kau mako ai.

Pesalemo 147:6

E tokoi e Eteleno leia e mamae, Kae tuku e ia ki le kele le kau agaveli.

Pesalemo 50:6

Ti e fakasa loa e le atu lagi lona faitotonu, Talie ko le Atua leia e tui fakamaau. - Manava.

Pesalemo 58:11

E fiafia loa le tagata agatonu i lana tio ki le totogi ; E fufulu loa e ia ona vae i le toto o le kau agaveli.

Taniela 2:37

Ei sau, ko le sau a koe o atu sau, talie kua soli kiate koe e le Atua o le atu lagi le puleaga, mo le pule, mo le makeke, mo le kololia ;

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Luka 1:52

Na fakaifo e ia le kau makeke i olatou ekeekeaga fakasau, Ti na siki e ia ki aluga latou ala e taulalo.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?

Kalate 1:15

Kae, i le finegalo malie o le Atua, leia na vaei kese ia au i le manava o loku tinana, leia na kalagai ia au i lona kalasia,

Uluaki tosi a Samuele 15:23

Talie e tatau le agasala o le patigataa mo le agasala o le tausi fakatemonio, ti e tatau le fakafefeka mo le tausi ki taulaatua mo fakatata. O tupu kua ke tiaki le folafola a le Eteleno, e toe tiaki loa a koe e le Eteleno ke aua na ke toe sau loa.

Uluaki tosi a Samuele 15:28

Na pati loa Samuele kiate ia : E saei e le Eteleno i le aso nei i lou ulu le pule fakasau o Iselaele, ti e soli e ia a ia ki se tasi ake leia e malie ake iate koe.

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.