Pesalemo 75:3 - Tosi Tapu

³ I le aso leia na kau fakatotonu, E kau fakamaau loa i le maoki.

Pesalemo 75:3 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Lua tosi a Samuele 5:2

I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Esaia 24:19

Kua mafaa le kele, Kua matuletule le malama nei, Kua siga a ia ki lalo.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Uluaki tosi a Samuele 18:7

Ko fafine ala na sua na fetaliaki a la ki la, o pati : Na tamate e Saulo lana tino afe, ti ko Tavite lana tino agafulu afe.

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.

Uluaki tosi a Samuele 25:28

E kau kole atu kiate koe, ke ke fakamolemole mai ki le sala a lau fafine fakasausau, talie ko le maoki e fai loa e le Eteleno ki loku aliki se fale lee gato ; ke ke fakamolemole, talie e maoki e fai e loku aliki a tau a le Eteleno, ti e leaise maua fua se agaveli iate koe.