Pesalemo 74:13 - Tosi Tapu

¹³ Na ke vaelua le tai i lou mafimafi, Na ke fatifatii a ulu o le talakone lasi o le tai ;

Pesalemo 74:13 ပူးပေါင်းရင်းမြစ်များ

Neemia 9:11

Na ke fakamavaa loa le tai i olatou mua, ti na lotou saele loa i le malo i loto malie o le tai ; kae na ke ti loa ki le tai latou ala na tuli ia latou, ti na lotou ogo loa ofaipe se fa fatu i le vai loloto.

Pesalemo 66:6

Na fetogi loa e ia le tai ko se kele malo, Na fakalaka loa i le vaitafe i vae : Koia na motou fiafia loa iate ia.

Pesalemo 78:13

Na vaelua loa e ia le tai, ti na fakamavaa loa e ia kia latou se ala, Na fakatuuga loa e ia a vai ofaipe ni paa.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:28

Na toe liliu loa le tai ki le masani, o lofia ai saliote, mo le kau ekeosi, ti mo le kau tau katoa a Falaone, ala na ulu loa ki le tai i muli o fanau a Iselaele ; ti na leaise toe sao loa se fa toka tasi.

Esekiele 29:3

Masau, ti ke pati loa : E folafola le Aliki, le Eteleno, o pati : Ko leinei, e kau mamafa kiate koe, Falaone, sau o Esipito, Kolokotile lasi, leia e moe i loto malie o ou vaitafe, Leia e pati : Ko loku vaitafe, ko au leia na fai ia a ia !

Esekiele 32:2

Vosa o le tagata, Fai se tagi laulau kia Falaone, sau o Esipito ! E ke pati loa kiate ia : Na ke faipe se laione muli i loto malie o atu puleaga ; Na ke faipe se kolokotile i atu tai, Na ke ano i loto o ou vaitafe, Na ke fakafufu olatou vai ki ou vae, Na ke fakapiau olatou galu.