Pesalemo 73:3 - Tosi Tapu

³ O tupu na kau fua ki le kau vale, I laku tio ki le manuia o le kau agaveli.

Pesalemo 73:3 ပူးပေါင်းရင်းမြစ်များ

Sopo 12:6

E manuia le kau kaia i olatou falela, Ti e fimalie latou ala e fakatupu ia le sausau o le Atua, Mo latou fuli ala e atua ki lolatou makeke.

Sopo 17:8

E ofolele le kau agatonu i loku malaia, Ti e tio noa latou ala e pati e lotou saosaoa : E lotou tio kiate au ofaipe se tagata agaveli.

Sopo 21:7

Kolea e mauli ai le kau agasala ? Kolea e tio ai kia latou e matutua malie, ti e asilisili lasi lolatou makeke ?

Sopo 24:23

E soli e le Atua kia latou le fimalie mo le fanaki, Ti e leoleo e ia olatou ala.

Pesalemo 10:5

E manuia ona ala i temi fuli ; E leaise kaku kiate ia au fakamaau, Ti e pusii e ia latou fuli ala e fakafesagai kiate ia.

Pesalemo 37:1

A Tavite. Aua na ke ita ki tagata agaveli. Aua na ke finenonofo kia latou ala e fai ia le veli.

Pesalemo 37:7

Ke ke fakalologo i mua o le Eteleno, ti ke ke amanaki malie kiate ia ; Ke aua na ke mamae ki leia e manuia ona ala, Ki le tagata leia e fakasoko ia ana fakatuutuu veveli.

Taagapati 23:17

Ke aua na fuaa lou loto ki le kau agasala, Kae ke maua tuumau e ia le i ki le Eteleno ;

Taagapati 24:1

Aua na ke fuaa ki le kau agaveli, Ti aua na ke oli ke ke kau mo latou ;

Taagapati 3:31

Aua na ke finenonofo ki le tagata agamakeke, Ti aua na ke filifili se ala fua e tasi i ona ala.

Ekelesiasi 7:15

I le ga temi toetoe o loku mauli na kau tio ki nea fuli ana. E i ai se tagata leia na agatonu, kae kua mate a ia mo lona maokioki, ti e ia se tasi leia na agaveli, kae na tologa lona mauli.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Malakia 3:15

I le temi nei e motou pati : e manuia ake latou ala e fia taualuga ; Io, e mou koloa ake latou ala e agaveli. Io, e lotou asiasii le Atua, ti e lotou saosaoa !

Sakopo 4:5

Pe kotou masalo e masau noa le Tosi ? E finenonofo le Atua ki le Laumalie leia kua fakanofo e ia ia tatou.