Pesalemo 72:16 - Tosi Tapu

¹⁶ E lasi loa le fulumeto i le fenua, i le tumutumu o mauga, Ti e taugaoi loa olatou taulu fulumeto ofaipe laakau o Lipane ; E se loa a tagata i kolo ofaipe le mutie o le fenua.

Pesalemo 72:16 ပူးပေါင်းရင်းမြစ်များ

Uluaki tosi o Sau 4:20

Na api ai a Suta mo Iselaele, o tatau mo le one leia i le mata tai. Na lotou kai, mo inu ti mo fakafiafia.

Sopo 5:25

E ke tio loa ki le api o lou sakoga, Ti e fai loa a uli o lou sakoga pe le mutie i faisaga.

Sopo 8:7

E fai loa lou mauli uluaki pe se nea noa i lou mauli foou. E lasi ake loa lou manuia foou i lou manuia afea.

Pesalemo 104:16

E inu laakau a le Eteleno o mau, A sete o Lipane, ala na to e ia.

Pesalemo 72:6

E fai loa a ia pe se ua leia e ifo ki se kele na faala, Ofaipe ni ua lalasi ala e fakavai ia le ulu fenua.

Esaia 29:17

Koi toe fua se ga temi ikiiki, Ti e liliu loa le Lipane ko se faisaga laakau fua, Ti e liliu loa le faisaga laakau fua ko se vaomatua.

Esaia 30:23

Ti e fakato loa e le Eteleno le ua ki le pulapula leia na ke tuku ki le kele, Ti e lasi loa mo kano malie le pane leia e soli loa e le kele ; Ti e kai loa au kau manu i ni faisaga mutie lalasi, i le temi lena.

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 32:20

Kae manuia koutou ala e muluki fakaili i tafatafa o le vai, Ti e tuku ia le pipi mo le asino ke feanoaki faitalisa !

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Selemia 33:22

Ofaipe le one o le tai, leia e leaise mafai ke fuafua, Ti mo fetuu o le lagi, ala e leaise mafai ke lau, E kau liuliuga loa le sakoga o Tavite, laku tagata fakasausau, Ti mo le kau Levi leia e fai ia loku tausi.

Gaoi 1:15

I aso ana, na fakatasi ai fetaina o fakaano ki le tino lelau tino lua, na tuu loa Petelo ki aluga i lotomalie o latou, o pati :

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Gaoi 4:4

Kae na tui loa se toka api o latou ala na logo ki le folafola, ti na lau loa ki tino afe e lima le api o tagata.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.