Pesalemo 71:16 - Tosi Tapu

¹⁶ E kau fakasa loa au gaoiaga mafimafi, Aliki Eteleno ! E kau fakamanatu loa lou faitotonu, io, a ia toka tasi.

Pesalemo 71:16 ပူးပေါင်းရင်းမြစ်များ

Pesalemo 106:2

Ko ai e fakasa ia loa a gaoi taualuga a le Eteleno ? Ko ai e fakasa ia loa le fakafetai katoa kiate ia ?

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 51:14

Toe tuku mai kiate au le fiafia o lou fakamauli, Ti ke poupou au e se loto malie !

Pesalemo 71:15

E fakasa loa e loku gutu lou faitotonu, mo lou fakamauli i aso fuli, Talie e leaise kau iloa ola gatoaga.

Pesalemo 71:19

Ei Atua, e kaku lou faitotonu ki le lagi ; Na ke fai ni nea lalasi, ei Atua, ko ai e tatau mo koe ?

Pesalemo 71:2

Fakamauli au i lou faitotonu, ti saofaki au ! Tuku mai lou taliga kiate au, ti ke saofaki au !

Pesalemo 71:24

E fakasa loa e loku alelo lou faitotonu i aso fuli, Talie kua luma mo mamae latou ala e afa ki loku mate.

Esaia 26:13

Eteleno, lomatou Atua, na pule kia matou ni iki ake a pule kese iate koe ; Kae kua motou fetapa ki lou suafa o tupu ko lou alofa toka tasi.

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Loma 3:21

Kae ko leinei, sala mo le lao kua fakasa e le Atua lana faitotonu, o fakamaoki ki ai le lao mo le kau polofeta,

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Tetelonome 33:25

Ke ukamea mo kapa ou loka, Ti ke tologa lou makeke ofaipe le tologa o lou mauli !

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Filipe 4:13

E kau mafai a nea fuli i leia e fakamakeke ia au.

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.