Pesalemo 71:13 - Tosi Tapu

¹³ Ke lotou luma, ti ke lotou malaia latou ala e loto ki loku mauli ! Ke lotou apele i le luma mo le malaia, latou ala e afa ki loku mate !

Pesalemo 71:13 ပူးပေါင်းရင်းမြစ်များ

Esitele 9:2

Na fakatasi loa le kau Sutea i olatou kolo, i fenua fuli o le sau ko Asuelusi, ke lotou taofi latou fuli ala na loto ki lolatou puli ; ti na leaise tasi fua na mafai ke tuu i olatou mua, talie kua vilo ki kakai fuli le i ki le kau Sutea.

Pesalemo 109:29

Ke kofu e oku fili le luma, Ke lotou kofu le luma ofaipe se taupulupulu !

Pesalemo 132:18

E kau fakakofu loa ki le luma ona fili, Kae gigila loa lona pala i lona lae.

Pesalemo 35:26

Ke lotou luma fuli fakatasi ti ke lotou i, Latou ala e fiafia o tupu ko loku malaia ! Ke lotou kofu ki le luma mo le fakalialia, Latou ala e agatuu mai kiate au !

Pesalemo 35:4

Ke lotou luma ti mo mamae latou ala e loto ki loku mauli ! Ke lotou solomuli, ti ke lotou luma, latou ala e fakakaukau ki loku mate !

Pesalemo 6:10

E tali e le Eteleno aku tagi, Ti e kukumi e le Eteleno laku kole.

Pesalemo 70:3

Ke lotou luma ti mo mamae, latou ala e loto ki loku mauli ! Ke lotou solomuli ti ke lotou luma latou ala e fiafia i loku malaia !

Pesalemo 71:24

E fakasa loa e loku alelo lou faitotonu i aso fuli, Talie kua luma mo mamae latou ala e afa ki loku mate.

Esaia 41:11

Ko leinei, e lotou fakasemala loa, e lotou apele loa i le luma, Latou fuli ala na itaita kiate koe ; E fakaliliu loa latou ko ni nea noa, e lotou mamate loa, Latou ala e fakafefele atu kiate koe.

Selemia 20:11

Kae e nofo le Eteleno mo au ofaipe se tagata toa makeke. Koia leia e tukia ai latou ala e fakaveliveli mai kiate au, ti e leaise lotou malo loa iate au ; E lotou apele loa i le luma talie na leaise soko alatou fakakaukau : Ko se matagafua lee gato lena kia latou, leia e leaise toe galo loa.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.