Pesalemo 7:5 - Tosi Tapu

⁵ Kapau na kau totogi veli ki leia na tokamalie mo au, Kapau na kau kaia leia na vesia noa kiate au,

Pesalemo 7:5 ပူးပေါင်းရင်းမြစ်များ

Sopo 16:15

E leaise koi mavae le taga mei loku kili, Ti e punou tuumau loku lae ki le efu.

Pesalemo 3:2

Ei Eteleno, e lasi ai oku fili ! E api ai latou ala e agatuu mai kiate au !

Pesalemo 44:5

Ei Atua ! ko koe ko loku sau : Ke ke fakatotonu le fakamauli o Sakopo !

Pesalemo 49:12

E lotou pati i olatou loto e lee gato loa olatou fale, Ti e tuu loa olatou nofoaga i tautupu ki tautupu, Latou ala e fakamauigai olatou igoa i le malama nei katoa.

Pesalemo 60:12

Pe leaise ko koe, ei Atua, leia na tiaki ia matou, Leia na leaise koi ano, ei Atua, mo amatou kau tau ?

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 63:3

Na kau takatakafi toka tasi i le tataoaga vino, Ti na leaise se tagata mei atu kakai na kau mo au ; Na kau takatakafi latou i loku ita, Na kau takatakafi latou o lalai i loku sausau ; Na topisi lolatou toto ki oku kofu, Ti na kelekele ai oku kofu fuli.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Apakuki 3:13

E ke ulu o saofaki lou kakai, O saofaki lou filifiliia. E ke fatii le taufufu o le fale o le tagata agaveli, E ke maumaui oki lona fale katoa… - Manava.

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Malakia 4:3

Ti e kotou takatakafi loa le kau agaveli, Talie e lotou fai loa pe se mugalafu I lalo o okoutou taga vae, I le aso leia e kau teuteui, E pati le Eteleno o kau tau.

Uluaki tosi a Samuele 24:11

Kua tio ou mata totonu i le aso nei, kua tuku mai a koe e le Eteleno ki oku lima i le aso nei i loto o le ana. Na fakasolosolo au ke tamate a koe ; kae na kau fakamauli a koe, o kau pati : E leaise mafao loa loku lima ki loku aliki, talie ko le filifiliia a ia a le Eteleno.

Uluaki tosi a Samuele 24:18

Ti na pati loa a ia kia Tavite : E ke faitotonu ake iate au ; talie na ke fai kiate au le nea malie, kae ko au na kau fai kiate koe le nea veli.

Uluaki tosi a Samuele 24:20

Kapau e felavei se tasi mo lona fili, pe tuku e ia ke toe soko atu lona ala i le fulufulumalie ? Ke fakapale a koe e le Eteleno, o tupu ko le nea leia kua ke fai kiate au i le aso nei !