Pesalemo 69:21 - Tosi Tapu

²¹ Kua fati loku loto i lauveli mai kiate au, ti kua kau masaki ; E kau talitali ki se alofa mai kiate au, kae noa ; Ki ni iki ke fakapelepele ia au, kae e leaise kau maua ia se tasi.

Pesalemo 69:21 ပူးပေါင်းရင်းမြစ်များ

Ekelesiasi 4:1

Na kau fakakaukau foki ki fakamakeke fuli ala e fai i le lalo laa ; ti ko leinei, kua taomia le kakai, mo fetagisi, ti e leaise tasi ke fakapelepelei ia latou ! E kau le pule mo le kau fakamakeke, kae e leaise tasi ke fakapelepelei ia latou.

Selemia 23:15

Koia e folafola ai le Eteleno o kau tau, o pati ki le kau polofeta : Ko leinei, e kau fagai loa latou ki le laakau kona, Ti e kau fakainu loa latou ki se vai kona ; Talie kua mafola le tausi veli ki le Atua i le fenua katoa O tupu ko kau polofeta o Selusalemi.

Selemia 8:14

Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Selemia 9:15

Koia leia e folafola ai le Eteleno o kau tau, le Atua o Iselaele, o pati : Ko leinei, e kau fagai loa le kakai leinei ki le nea kona, Ti e kau fakainu loa kia latou se vai kona.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Mateo 27:34

ti na lotou fakainu loa kiate ia se vino kua sui ki le au kona, kae, i lana asiasii a ai, na leaise inu loa e ia.

Mateo 27:48

I le lakaga lena, na makape loa se tasi o latou o too se fa unu, o fakasusu a ia ki le vinika, o tuii a ia ki se fa u, o soli a ia kiate ia ke inu.

Maleko 15:23

Ti na lotou fakainu loa kiate ia se vinika kua sui ki le mila, kae na leaise inu loa e ia a ia.

Maleko 15:36

Ti na makape loa se tasi o latou, o fakasusu se fa unu ki le vinika, o fakapiki ki se fa u, o fakaali kia Sesu ke inu, o pati : Tuku mua, kae tou tio pe au loa Elia o fakaifo a ia mei le koluse.

Luka 23:36

Na gologolo foki le kau solia kiate ia ; na lotou fakafeofi mai, o soli kiate ia se vinika,

Tetelonome 29:18

Ke aua na maua loa ia koutou se tagata pe ko se fafine, pe ko se famili pe ko se faasiga, leia e veli lona loto ke maliu i le aso nei mei le Eteleno, lotatou Atua, o ano o tausi ki atua o puleaga ana. Ke aua na maua loa ia koutou se aka leia e fakatupu ia se au kona mo se kava kona.