Pesalemo 68:7 - Tosi Tapu

⁷ E soli e le Atua se famili kia latou ala na tiaki, E saofaki e ia le kau popula ti e fakafiafia e ia latou ; E gato fuai ki le kau agatuu e nonofo i ni potu malo.

Pesalemo 68:7 ပူးပေါင်းရင်းမြစ်များ

Pesalemo 107:34

Le kele mauli ko se kele kaka, O tupu ko le agaveli o lona kakai.

Pesalemo 146:7

E faitotonu a ia kia latou ala na fakavelivelii. E soli e ia se pane kia latou ala e pakupaku. E saofaki e le Eteleno le kau popula.

Ekesote 13:21

Na ano loa le Eteleno i olatou mua i le ao i se fa pou afu, o taki latou i le ala ; ti e i le pouli i o se fa pou afi, o fakamalama latou, o tupu ke lotou saele i le ao mo le pouli.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tuifakamaau 4:14

Ti na pati loa Tepola kia Palaki : Tuu ki aluga, talie ko leinei le aso leia e tuku ai loa e le Eteleno a Sisela ki ou lima. E saele le Eteleno i ou mua. Ti na ifo loa Palaki mei le mauga o Tapole, ti na mulimuli loa iate ia se kau tagata e tino agafulu afe.

Tuifakamaau 5:4

Ei Eteleno ! i le aso leia na ke au ai mei Seili, I le aso leia na ke saele mai ai mei faisaga o Etome, Na galulu loa le kele, ti na liligi loa e le lagi ona vai, Ti na to loa se ua lasi mei ao ;