Pesalemo 68:6 - Tosi Tapu

⁶ Ko le tamana o fanau sala matua, ko le tausi o fafine sala avaga, Ko le Atua i lona nofoaga maokioki.

Pesalemo 68:6 ပူးပေါင်းရင်းမြစ်များ

Pesalemo 10:14

Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 107:10

Ko latou ala na nonofo i le fakapouli mo le malu o le mate, Na mauli popula i le mamae mo tini,

Pesalemo 107:14

Na fakamavae loa e ia latou i le fakapouli mo le malu o le mate, Ti na motusi loa e ia olatou sai.

Pesalemo 107:34

Le kele mauli ko se kele kaka, O tupu ko le agaveli o lona kakai.

Pesalemo 113:9

E soli e ia se fale ki le fafine leia e paa, E fakaliliu e ia a ia ko se tinana fiafia i loto malie o ana fanau. Kotou fakafetai ki le Eteleno !

Pesalemo 146:7

E faitotonu a ia kia latou ala na fakavelivelii. E soli e ia se pane kia latou ala e pakupaku. E saofaki e le Eteleno le kau popula.

Pesalemo 69:33

E tio ki le nea lena le kau mativa, ti e lotou fiafia loa : Ke mauli okoutou loto, koutou ala e afa ia le Atua !

Taagapati 23:11

Talie e mafimafi lolatou fakamauli : E fakafesagai loa a ia kiate koe.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Oseo 2:3

Kotou pati ki okoutou fetaina : Ami ! (loku kakai) ki okoutou tuagaane : Lusama ! (fafine leia kua tuku ki ai le manava alofa).

Malakia 1:3

Ti na kau maua se vesia kia Esau, Na kau fakaliliu ona mauga ko se potu lavaki, Na kau tuku lona tofiga ki kuli vao o le toafa.

Gaoi 16:26

Ti fokifa kua to se mafuike lasi, o galulu ai a fakatafito o le fale pilisoni ; i le temi fai lena, na mavaa loa a matapa fuli, ti na motumotu loa a tini o le kau pilisoni katoa.

Kalate 4:27

koia e tosi ai : Ke ke fiafia, a koe leia e paa, a koe leia e leaise fanaunau ! Ke ke siki lou leo o kalaga fakafiafia, a koe leia na leaise iloa ia a mamae o le fanauga ! Talie ko fanau o le fafine tiakina e toka api ake loa Ifanau o le fafine leia na avaga.

Tetelonome 10:18

E fakamaaui e ia i le faitotonu le fanau sala matua mo le fafine sala avaga. E alofa a ia ki le matapule leia e nofo i lou fenua, o soli kiate ia le nea kai mo le nea lava.

Uluaki tosi a Samuele 2:5

Kua gaoi totogi latou ala na makokona ki se pane, Ti kua malolo latou ala na pakupaku ; Kua fanau tua fitu le fafine paa, Ti kua fefe le fafine leia na mauke ona fanau.