Pesalemo 68:5 - Tosi Tapu

⁵ Kotou sua ki le Atua ! kotou fakafetai ki lona suafa ! Kotou tofa le ala ki leia e saele mai i le toafa ! Ko le Eteleno lona suafa : Kotou fiafia i ona mua !

Pesalemo 68:5 ပူးပေါင်းရင်းမြစ်များ

Lua tosi o Koloniko 30:27

Na tutuu ake loa le kau tagata faisakilifisio mo le kau Levi o tapuaki ki le kakai ; ti na logo loa ki olatou leo, ti na kaku loa lalatou faikole ki le lagi, ki le nofoaga taputapu o le Eteleno.

Lua tosi o Koloniko 6:2

Ti ko au, kua kau fakatuu ia se fale ke liliu ko lou nofoaga, se ganea leia e ke nofo ai loa o lee gato !

Pesalemo 10:14

Kae e ke tio maoki, talie e ke tio ki le pakia mo le mamae, Ti e ke tokaga ki olatou mauli. Ko koe leia e fanaki ki ai le tagata mativa ! Ko koe leia e tokoi ki le toe sala matua !

Pesalemo 10:18

O tupu ke fakamaaui le toe sala matua mo leia e fakavelivelii i le faitotonu, Ti ke fakagato le fakaii a le tagata leia na too mei le kele.

Pesalemo 118:19

Kotou fakamavaa mai kiate au a matapa o le faitotonu : E kau ulu loa, e kau fakafetai loa ki le Eteleno.

Pesalemo 146:9

E puipui e le Eteleno le kau matapule. E tokoi a ia ki le toe sala matua mo le fafine lokonui, Kae e maumaui e ia le ala o le kau agaveli.

Pesalemo 150:6

Ke fakafetai ki le Eteleno a nea fuli e tukumanava ! Kotou fakafetai ki le Eteleno !

Pesalemo 33:14

Mei le potu o lona nofoaga, e tio a ia Ki le kakai katoa o le malama nei,

Pesalemo 72:2

E fakamaau loa e ia lou kakai i le faitotonu, Ti mo lau kau mativa i le maoki.

Pesalemo 72:4

E fakamaau loa e ia i le faitotonu le kau fakaaloalofa o le kakai ; E saofaki loa e ia a fanau a le tagata mativa, Kae e takatakafi loa e ia le tagata fakamakeke.

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Selemia 49:11

Tuku au fanau sala matua, e kau fakamauli loa latou, Ti ke fanaki au fafine lokonui kiate au !

Selemia 5:28

Kua lotou pepeti, ti kua lotou gigila ; Kua lotou fakalaka i fuafua fuli o le veli ; E leaise lotou fakamaau i le faitotonu, E leaise lotou fakamaau i le faitotonu le toe sala matua, leia e tonu ke malo i lona fakamaau ; E leaise lotou fai le nea e totonu ki le kau mativa.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Efeso 5:1

Koia kotou faifaitaki ki le Atua, ofaipe ni fanau alofaina ;

Tetelonome 10:18

E fakamaaui e ia i le faitotonu le fanau sala matua mo le fafine sala avaga. E alofa a ia ki le matapule leia e nofo i lou fenua, o soli kiate ia le nea kai mo le nea lava.

Tetelonome 26:15

Ke ke tio mei lou nofoaga maokioki, mei le atu lagi, ti ke ke tapuakii loa lou kakai ko Iselaele mo le kele leia na ke soli mai kia matou, o mulimuli ki lau fakapapau leia na ke fai ki omatou tamana, io, le fenua leia e sali ai le sua manu mo le meli.