Pesalemo 68:18 - Tosi Tapu

¹⁸ Ko saliote a le Eteleno e lau i tino lua afe, Ti tino afe mo tino afe ; E nofo le Aliki i loto malie o latou, E tuu le Sinai i le sagatualio.

Pesalemo 68:18 ပူးပေါင်းရင်းမြစ်များ

Lua tosi o Koloniko 6:18

Pe feala koia ke nofo maoki le Atua mo le tagata i le kele ? Ko leinei, e leaise o fua a ia i le lagi mo le lagi o atu lagi : Ti e feaki ake loa ke o a ia i le fale leinei kua kau fakatuu !

Pesalemo 110:1

A Tavite. Pesalemo. Folafola a le Eteleno ki loku Aliki : Nofo a koe i loku fetuu atamai, O kaku ki laku fai ki ou fili lou tekiaga vae.

Pesalemo 24:3

Ko ai e feala loa ke pale ki le mauga o le Eteleno ? Ko ai e malaga loa o kaku ki lona potu maokioki ?

Pesalemo 47:5

E filifili e ia kia tatou lotatou tofiga, Le kololia o Sakopo leia e alofa a ia ki ai. - Manava.

Pesalemo 7:7

Ei Eteleno, tuu ki aluga i lou sausau, Tuu ki aluga, o tupu ko le itaita o oku fili, Alaala o saofaki au ! Fakatotonu ke fai se fakamaau !

Pesalemo 78:60

Na tiaki loa e ia le nofoaga o Silo, Le falela leia na nofo ai a ia i le lotolotoga o tagata ;

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Soele 2:11

E fakagugulu e le Eteleno lona leo i mua o lana kau tau ; Talie e lasi ai lona nofolaga solia, Ti e makeke leia e fakasoko ia lana folafola ; Talie e lasi le aso o le Eteleno, e fakaii a ia : Ko ai e feala loa ke tuu i ai ?

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Maleko 16:9

Na toe tuuake Sesu i le usu o le uluaki aso o le vasaa, ti na uluaki sa loa a ia kia Malia mei Maketala, leia na kapu ai e ia ni temonio e fitu.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Luka 24:49

Ko leinei, e kau kakau mai loa kia koutou le nea leia na fakapapau e loku Tamana ; kae ko koutou, kotou nonofo i le kolo o kaku ki lakotou kofu le makeke mei aluga.

Luka 24:51

I le lolotoga o lana tapuaki kia latou, na mavae loa a ia meia latou, o ano ki le lagi.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Soane 16:7

Kae e kau fakasa kia koutou le maoki : E aoga kia koutou ke kau ano, talie kapau e leaise kau ano, e leaise au loa le Fakapelepele kia koutou ; kae kapau e kau ano, e kau kakau mai loa a ia kia koutou.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Gaoi 2:4

Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Gaoi 9:17

Ti na ano loa Ananiasi ; ti i lana kaku loa ki le fale, na teki loa e ia ona lima kia Saulo, o pati : Saulo, loku taina, ko le Aliki Sesu, leia na sa kiate koe i le ala leia na ke au ai, na kakau ia mai au, o tupu ke toe tio ou mata ti ke ke apele i le Laumalie Maokioki.

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Kolose 2:3

misitelio leia e fufu ai a koloa fuli o le poto ti mo le iloa.

Kolose 2:9

Talie e nofo fakatino iate ia le apeleaga katoa o le Atua.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 4:14

Koia i le kua tou maua ai se pule fai sakilifisio leia kua ulu i le atu lagi, Sesu, le Alo o le Atua, ke tou tuu makeke i le tui leia e tou fakasa.

Epelo 6:20

i le ganea leia kua ulu ki ai Sesu ofaipe se tagata kua muamua kia tatou, leia kua fakanofo ko le pule fai sakilifisio o lee gato, o mulimuli ki le faasiga o Melekiseteke.

Epelo 8:1

Ko le puani tafito o le nea leia e tou masau ki ai : Kua tou maua se pule fai sakilifisio, leia kua eke i le fetuu atamai o le nofoaga sau o le agai o le Atua i le atu lagi,

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.

Apokalipisi 1:20

Ko leinei le misitelio o fetuu e fitu ala na ke tio ki ai i loku lima atamai, ti mo tekiaga malama aulo e fitu. Ko fetuu e fitu ko aselo ana o Ekelesia e fitu, ti ko tekiaga malama e fitu ko Ekelesia ana e fitu.

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.

Tuifakamaau 5:12

Ke ke alaala, ke ke alaala, Tepola ! Ke ke alaala, ke ke alaala, ke ke sua se katiko ! Ke ke tuu ki aluga, Palaki, ti ke ke aumai lau kau pilisoni, vosa o Apinoame !