Pesalemo 67:6 - Tosi Tapu

⁶ E fakafetai a kakai kiate koe, ei Atua ! E fakafetai a kakai fuli kiate koe.

Pesalemo 67:6 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Pesalemo 48:14

Ke kotou tio ki lona kaua, Ke kotou tokaga ki ona fale lalasi, O tupu ke kotou fakamatala a ia ki le tautupu muli.

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Esaia 1:19

Kapau e kotou maua se loto malie ti kapau e kotou patigaofie, E kotou kai loa a fua malilie tukupau o le fenua ;

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Levitiko 25:19

E soli atu loa e le fenua ona fua kia koutou, ti e kotou kai loa o makokona, ti e kotou nonofo loa i ai i le fimalie.

Levitiko 26:4

E kau kakau mai loa kia koutou ni ua i olatou temi, ti e soli loa e le kele ona magiti, ti e soli loa e laakau fua o faisaga olatou fua.