Pesalemo 66:3 - Tosi Tapu

³ Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 66:3 ပူးပေါင်းရင်းမြစ်များ

Sopo 25:2

A le Atua le mafimafi mo le pule fakaii ; E tuku e ia le tokamalie i ona ganea taualuga.

Pesalemo 18:44

E ke saofaki au i visi o le kakai ; E ke tuku au ki le ulu o atu puleaga. E tausi kiate au se kakai leia na leaise kau iloa.

Pesalemo 18:45

E lotou fakalogo kiate au i laku uluaki fakatotonu, E fakalapulapu kiate au a vosa o le matapule.

Pesalemo 47:2

Kotou fuli, atu kakai, ke kotou pasipasi okoutou lima ! Ke kotou fai ni kalaga fakafiafia ki le Atua !

Pesalemo 65:5

Manuia leia e ke filifili ti e ke fakaulu ki lou agaiaga, O tupu ke nofo a ia i ou malae ! E motou makokona loa i le fiafia o lou fale, I le maokioki o lou fale tapu.

Pesalemo 68:30

Mei lou fale tapu, e ke pule ki Selusalemi ; E aumai loa e sau ni moliga kiate koe.

Pesalemo 76:12

Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Pesalemo 81:15

I se kemo o le mata, e kau fakaluma ia loa olatou fili, E kau fakamaliu loa loku lima kia latou ala e vesia kia latou.

Ekesote 15:21

Na tali loa Malia ki fanau a Iselaele, o pati : Kotou sua ki le Eteleno, talie kua fakasa e ia lona kololia ; Na laku e ia ki le tai le osi mo le tagata ekeosi.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 25:3

Koia e fakakololia ai kiate koe a kakai makeke, Ti e i ai kiate koe a kolo o puleaga makeke.

Esaia 40:26

Kotou siki okoutou mata ki aluga, ti kotou tio ! Ko ai na fakatupu ia a nea ana ? Ko ai e fakasaele fakaatu ia olatou kau tau ? E kalagai e ia latou fuli i olatou igoa taki tasi ; I lona makeke lasi mo lona pule, E leaise puli fua se toka tasi.

Esaia 64:3

Talie e talu mei le kamataaga o le malama nei, E leikiaise logo se taliga, Pe tio se mata ki se tasi ake atua iate koe, Kua fai ia ni nea ana kia latou ala e fanaki kiate ia.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.