Pesalemo 66:14 - Tosi Tapu

¹⁴ Io, a fakapapau ala na fakasa e oku laugutu Ti na puaki e loku gutu i loku mamae.

Pesalemo 66:14 ပူးပေါင်းရင်းမြစ်များ

Senesi 35:3

E tou tutuu loa ki aluga, ti e tou pale loa ki Petele. E kau fakatuu loa i ai se aletale ki le Atua, leia na tali ia laku kole i le aso o loku mamae, ti na nofo mo au i ala na kau fanoga ai.

Lua tosi a Samuele 22:7

I loku mamae, na kau kalaga ki le Eteleno, Na kau kalaga ki loku Atua ; Mei lona fale sau, na logo a ia ki loku leo, Ti na fia logo ona taliga ki laku kalaga.

Pesalemo 18:6

Na fui au e va o le nofoaga o le kau mate, Na mauatoka au e kupega o le mate.

Numelo 30:12

ti kapau na leaise fakafesagai ki ai lona avaga i le aso leia na logo ai a ia ki le nea lena, e maua loa le fafine lena ke fai e ia lana fakapapau.

Numelo 30:2

Na masau loa Moisese ki pule o faasiga o Iselaele, o pati : Ko leinei le nea leia e fakatotonu e le Eteleno.

Numelo 30:8

Ti kapau na logo loa lona avaga ki le nea lena kae na leaise pati a ia ki se nea i le aso lena, e maua loa ke fai e le taine lana fakapapau.

Uluaki tosi a Samuele 1:11

Na fai loa e ia se fakapapau, o pati : Eteleno o kau tau ! kapau e ke alofa loa o tagaki mai ki le mamae o lau fafine fakasausau, kapau e ke manatui loa au ti e leaise ke galoi loa lau fafine fakasausau, ti kapau e ke soli loa ki lau fafine fakasausau se vosa, e kau momoli loa a ia ki le Eteleno i lona mauli katoa, ti e leaise fakalaka loa le tele i lona ulu.