Pesalemo 65:8 - Tosi Tapu

⁸ E lolomi e ia le gugulu o atu tai, le gugulu o olotou galu, Ti mo le maveuveu o atu puleaga.

Pesalemo 65:8 ပူးပေါင်းရင်းမြစ်များ

Senesi 8:22

I le temi katoa leia e tuu ai loa le malama nei, ko le temi muluki o le fakaili mo lona temi tau, le momoko mo le vevela, le temi nive mo le temi mafana, le ao mo le pouli, e leaise lotou toe gato loa.

Sopo 38:12

Talu mei le aso leia na ke tupu ai, pe kua ke lagiaki ki le usu ? Pe kua ke fakasa ia ki le mafoata lona tuuaga,

Pesalemo 107:29

Na taofi loa e ia le afa, ti na toe aumai loa e ia le tokamalie, Ti na fakalologo loa a galu.

Pesalemo 126:2

Koia na apele ai lomatou gutu i ni kalaga fakafiafia, Ti mo lomatou alelo i ni sua fakanekenekea ; Koia na pati ai i atu puleaga : Kua fai e le Eteleno kia latou ni nea lalasi !

Pesalemo 135:9

Na kakau loa e ia ni fakamailoga mo ni milakulo kiate koe, Esipito ! Kia Falaone mo ana tagata fakasausau fuli.

Pesalemo 136:8

Le laa ke pule i le aso, Talie e lee gato lona manava alofa !

Pesalemo 148:3

Kolua fakafetai kiate ia, laa mo masina ! Kotou fakafetai kiate ia, koutou fuli, ko fetuu gigila !

Pesalemo 19:5

E taka lalatou akonaki i le malama nei katoa. E ano lolatou leo o kaku ki potupotu o le malama nei, Leia na fakatuu ai e ia se falela ki le laa.

Pesalemo 2:8

Kole mai kiate au ti e kau soli atu loa kiate koe a atu puleaga ko lou tofiga, Mo potupotu o le kele ma au.

Pesalemo 65:13

E ke fakavai a kele o le toafa, Ti e takatakai a mauga liliki e le fiafia lasi.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 74:16

A au le ao, a au le pouli ; Na ke fakatupu le malama mo le laa.

Pesalemo 89:10

E ke pule ki le fia nealasi o le tai ; Ka malaga ona piau ki aluga, e ke tuku latou ki lalo.

Esaia 17:13

Kua logoa a atu puleaga ofaipe le logoa o vai lalasi… Kae e feau latou e le Eteleno, ti e lotou sosola ki mamao, Ofaipe mutie malo o le mauga ala e pusi e le matagi, Ofaipe le efu leia e lagai e se asesio.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.