Pesalemo 65:2 - Tosi Tapu

² I le fanaki, ei Atua ! e fakafetai loa kiate koe i Sione, Ti e fakasoko loa a fakapapau fuli na fai kiate koe.

Pesalemo 65:2 ပူးပေါင်းရင်းမြစ်များ

Uluaki tosi o Sau 18:29

I le sili loa o le lalatea, na lotou folafola fakakikite loa o kaku ki le lakaga leia e momoli ai le failaulau. Kae na leaise logo fua ki se leo, mo se tali, ti mo se fakamailoga.

Uluaki tosi o Sau 18:37

Tali mai kiate au, Eteleno, tali mai, o tupu ke iloa e le kakai leinei ko koe Eteleno e ke Atua, ti ko koe leia e peluki ia mai olatou loto !

Lua tosi o Koloniko 33:13

Na fai loa e ia ni kole kiate ia ; ti na fakamaluu loa e le Eteleno lona loto, o tali ana kole, ti mo toe aumai loa a ia ki Selusalemi ki lona puleaga. Ti na iloa loa e Manase ko le Eteleno toka tasi e Atua.

Pesalemo 102:17

Io, e toe laga loa e le Eteleno a Sione, E sa loa a ia i lona kololia.

Pesalemo 116:14

E kau fai loa aku fakapapau ki le Eteleno, I mua o lona kakai katoa.

Pesalemo 116:18

E kau fai loa aku fakapapau ki le Eteleno, I mua o lona kakai katoa,

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 66:13

E kau ano loa ki lou fale mo ni failaulau, E kau fai loa aku fakapapau kiate koe :

Pesalemo 66:19

Kae ko le maoki na tali e le Atua laku kole, Na tokaga a ia ki le leo o laku kole.

Pesalemo 66:4

E atolasio le malama nei katoa kiate koe ti e sua e ia lou mauiga ; E sua e ia lou suafa. - Manava.

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Naume 2:1

Ko leinei i aluga o mauga A vae o le tagata avelogo leia e fakasa ia le tokamalie ! Suta, fai ou aso lalasi, fakasoko au fakapapau ! Talie e leaise toe ano loa le tagata agaveli i loto malie o ou, Kua motusi oki a ia…

Soane 12:32

Ti ko au, ka siki ake loa au ki aluga mei le kele, e kau fakatatae mai loa kiate au a tagata fuli.

Gaoi 10:31

Kolenelio, kua tali lau kole, ti kua manatui e le Atua au nea alofa.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.