Pesalemo 65:11 - Tosi Tapu

¹¹ E ke fakavai a faisaga, e ke fakamaluu le kele, E ke fakasusu a ia ki ni ua, e ke fakasomo le pulapula.

Pesalemo 65:11 ပူးပေါင်းရင်းမြစ်များ

Sopo 36:28

E tuku loa e ao ke to le ua, Leia e mafola loa ki le kakai toka api.

Sopo 5:10

Ko ia leia e fakato ia a ua ke fakavai ai le kele, E tuku e ia mei le lagi le vai ke fakavai ai a faisaga.

Pesalemo 103:4

Ko ia leia e saofaki ia lou mauli i le popoko, Leia e fakapalaa ia a koe ki le agamalie mo le manava alofa ;

Pesalemo 104:13

Mei lona nofoaga taualuga, e fakavai e ia a mauga ; E makona le kele i le fua o au gaoi.

Pesalemo 104:3

E fai e ia ki atu vai le taufufu o lona nofoaga ; E too e ia a ao ko lana saliote ; E saele a ia i kapakau o le matagi.

Pesalemo 25:10

Ko ala fuli o le Eteleno e manava alofa ti e agatonu Kia latou ala e tausi ia lana sai mo ana folafola.

Pesalemo 36:8

E lasi ai lou agamalie, ei Atua ! E afa e vosa o le tagata se mumuniaga i le malu o ou kapakau.

Pesalemo 5:12

Ti e fiafia loa latou fuli ala e fanaki kiate koe, Ti e lotou kalaga fiafia loa o lee gato, ti e ke malui loa latou. E ke liliu loa ko se fiafiaaga kia latou ala e alofa ki lou suafa.

Pesalemo 68:10

Na ke fakato ia loa se ua lasi lasi, ei Atua ! Na ke fakamakeke loa lou tofiga leia na gagae.

Taagapati 14:18

Ko le vaega o le kau vale ko le valea, Kae ko le pala o le tagata poto ko le poto.

Soele 2:14

Ko ai e iloa ia pe leaise toe tafoki loa a ia ti e fakasemala loa a ia, Pe leaise tuku loa e ia le tapuakina i ona muli ? Ti e feala loa ke kotou momoli ni failaulau mo ni lipasio ki le Eteleno, lokoutou Atua.

Akeseo 2:19

Pe na koi i ai se pulapula i okoutou fata ? Tatau foki mo le vite, mo le fiki, mo le kelenati, ti mo le oliveto, Na leaise tuku ia se nea fua e tasi. Kae i le aso nei e kau liligi loa laku tapuakina.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Loma 11:17

Kae kapau na tuuti ni iki o laa, ti kapau ko koe, leia na olive vao, kua fakapipiki a koe ki lolatou pikiaga, ti kapau kua ke kau ki le aka leia e fagai ia le oliveto,

Tetelonome 11:12

ko se fenua leia e tokaga ki ai le Eteleno, lou Atua, ti e tuku tuumau ki ai a mata o le Eteleno, lou Atua, mei le kamataaga o le fetuu o kaku ki le oki o le fetuu.