Pesalemo 64:5 - Tosi Tapu

⁵ Ke kaloloi fakafufu le tagata agatonu ; E lotou kaloloi fakapunamauli a ia, ti e leaise lotou maua ia fua se ga i.

Pesalemo 64:5 ပူးပေါင်းရင်းမြစ်များ

Senesi 20:13

I le aso leia na fakamavae ai au e le Atua mei le fale o loku tamana, na kau pati kia Sala : Ko leinei le kalasia leia e ke fai loa kiate au : I fenua fuli ala e ta ano loa ki ai, ke ke pati kiate au : ko loku tuagaane.

Sopo 22:13

Ti e ke pati : Kolea le nea e iloa e le Atua ? Pe mafai ke fakamaaui e ia i le matotolu o ao ?

Pesalemo 10:11

E pati a ia i lona loto : E loto galogalo le Atua ! E tapono e ia ona mata, e leaise tio a ia i se aso !

Pesalemo 124:7

Na sola lotatou laumalie ofaipe le manu lele i le kupega o le tagata faimasele ; Na motu le kupega, ti na motou sosola.

Pesalemo 140:5

Eteleno, malui au i lima o le tagata agaveli ! Puipui au i tagata agamakeke, ala e fakakaukau ke tamate au !

Pesalemo 59:7

E lotou au i afiafi fuli, e lotou ko ofaipe ni kuli, E lotou foli takai i le kolo.

Pesalemo 94:7

Ti e lotou pati : E leaise tio le Eteleno, E leaise tokaga le Atua o Sakopo !

Ekesote 15:9

Na pati le fili : E kau tuli loa, e kau maua loa, E kau vae loa le koloa o le fili ; E kau fakamakona loa loku fia lagavaka, E kau tosoi loa le seleta, ti e maumaui loa latou e loku lima.

Esaia 41:6

E lotou fetokoiaki ia latou, Ti e pati le taina ki lona taina : Loto makeke !

Esekiele 8:12

Na pati mai loa a ia kiate au : Vosa o le tagata, pe kua ke tio ki le nea leia e fai fakafufu e le kau matua o le fale o Iselaele, e le tagata taki toka tasi i lona kogafale leia kua apele i taulaatua ? Talie e lotou pati : e leaise tio mai le Eteleno kia tatou, ti kua tiaki e le Eteleno le fenua.

Numelo 22:6

E kau kole atu kiate koe, ke ke au o tuku se malaia ki le kakai leinei, talie e api ake a ia iate au : e lagi feala ai loa ke kau malo iate ia, ti ke kau kapu a ia i loku fenua, talie e kau iloa ko leia e ke tapuaki ki ai e tapuakii loa a ia, ti ko leia e ke tuku ki ai se malaia e malaia loa a ia.

Mateo 23:15

Malaia kia koutou, kau sekelipa mo kau faliseo malualoi ! Talie e kotou makape saele i le tai mo le kele o afa se tasi ke tafoki atu kia koutou ; ti ka tafoki loa se tasi, e kotou fakaliliu loa a ia ko se vosa o Ifeli o tua lua ake lona veli ia koutou.

Apokalipisi 11:10

Ti e fiafia loa le kakai o le malama nei i le mate o tagata ana e toka lua, ti e lotou fiafia lasi loa, o feaveaki alatou nea alofa, talie na fakamamaei a kakai o le malama nei e polofeta ana e toka lua.

Tuifakamaau 20:22

Na pale loa a fanau a Iselaele o fetagisi i mua o le Eteleno o kaku ki le pouli ; ti na lotou kole loa ki le Eteleno, o pati : pe tonu ke motou toe ano o taui omatou fetaina, vosa o Pesamino ? Na tali loa le Eteleno kia latou : Kotou pale o taui a ia.