Pesalemo 64:3 - Tosi Tapu

³ Saofaki au i fono veli a le kau agasala, I le fakatasi logoa a tagata agaveli !

Pesalemo 64:3 ပူးပေါင်းရင်းမြစ်များ

Pesalemo 11:2

Talie ko leinei, e teuteu e le kau agaveli alatou kalolo, E lotou fakapipiki alatou gasau ki va, Ke kaloloi i le fakapouli latou ala e loto sako.

Pesalemo 141:9

Puipui au i le masele leia e lotou teuteu kiate au, Ti mo pikoi a latou ala e fai ia le veli !

Pesalemo 57:4

Ti e kakau loa e ia mei le lagi lona saofaki kiate au, Kae lolotoga lauveli kiate au leia e tuli ia au ; - Manava. E kakau mai loa e le Atua lona agamalie mo lona agatonu kiate au.

Pesalemo 58:7

Ei Atua, fatifatii olatou nifo i olatou gutu ! Eteleno, taaki olatou kaunifo ala e faipe kaunifo o uviki laione !

Taagapati 12:18

Ko se tasi, leia e masau fakafuanoa, e fakalavea ia le loto ofaipe se seleta, Kae ko le alelo o le kau poto e ave ia le faitoo.

Taagapati 30:14

E i ai se tautagata leia e fai ona nifo pe ni seleta, Ti mo ona kaunifo pe ni sele, Ke kai leia e mamae i le malama nei Ti mo le kau mativa i loto malie o tagata.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.