Pesalemo 60:3 - Tosi Tapu

³ Ei Atua ! na ke tiaki matou, na ke veteki matou, Na ke ita : Ke ke toe fakatuu matou ki aluga !

Pesalemo 60:3 ပူးပေါင်းရင်းမြစ်များ

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Pesalemo 71:20

Na ke asiasii matou ki ni mamae mo ni malaia ; Kae e ke toe soli mai loa le mauli kia matou, E ke toe paleaki ake loa matou i le vanu o le kele.

Pesalemo 75:8

Kae ko leia e fakamaau ko le Atua : E tuku e ia ki lalo le tasi, ti e siki e ia ki aluga le tasi.

Pesalemo 80:4

Ei Atua ! toe fakatuu ake matou ki aluga ! Fakagigila ou mata, ti e motou mauli loa !

Pesalemo 80:8

Ei Atua o kau tau, toe fakatuu ake matou ki aluga ! Fakagigila mai ou mata, ti e motou mauli loa !

Pesalemo 85:5

Ei Atua ko lomatou fakamauli, toe fakamauli matou ! Fakagato lou sausau kia matou !

Pesalemo 89:39

Kae logo ai, na ke tiaki, na ke tekei kese ! Na ke ita ki lou filifiliia !

Esaia 51:17

Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Selemia 25:15

Talie na masau mai kiate au le Eteleno, le Atua o Iselaele, o pati : Too i loku lima le ipu leinei kua apele i le vino o loku sausau, Ti ke fakainu a ia ki atu puleaga fuli Ala e kau kakau loa a koe ki ai.

Tagi laulau a Selemia 4:21

Ke ke fiafia, ke ke soposopo i le nekenekea, taine o Etome, A koe leia e nofo i le fenua o Utese ! E kaku atu loa le ipu kiate koe foki ; E ke inu loa a ia o kona, ti e fakatelefua loa a koe.

Taniela 9:12

Kua fakasoko e ia a folafola ala na puaki kia matou ti mo omatou pule ala na lagiaki ia matou, na kakau mai e ia kia matou se malaia lasi, ti e leikiaise toe soko se malaia felaaki i le lalo lagi nei, se malaia o tatau mo leia kua soko ki Selusalemi.

Apakuki 2:16

E ke makona loa i le luma o lasi ake i le kololia ; Ke ke inu foki mo koe totonu, ti ke ke nofo telefua ! E maliu loa kiate koe le ipu o le lima atamai o le Eteleno, Ti e fakakelekele loa lou kololia e le luma.

Apokalipisi 16:19

Ti na paisi tolu loa le kolo lasi, ti na sosolo loa a kolo o atu puleaga, ti na manatui loa e le Atua a Papilone ko le kolo lasi, ke soli kiate ia le ipu o le vino o lona sausau kaka.

Apokalipisi 18:16

ti e lotou pati loa : Malaia ! Malaia ! le kolo lasi, leia na kofu ki le nilo maninifi, mo le pulupe, mo le velevete, ti na teuteu ki le aulo, mo fatu mauiga, ti mo fuai kasoa ! Talie kua pupuli loa a koloa fuli ana i se ola e tasi !