Pesalemo 6:6 - Tosi Tapu

⁶ Talie e leaise toe manatu kiate koe leia kua mate. Ko ai e fakafetai loa kiate koe i le nofoaga o le kau mate ?

Pesalemo 6:6 ပူးပေါင်းရင်းမြစ်များ

Sopo 10:1

Kua fakalialia loku laumalie ki le mauli ! E leaise kau toe tataofi loa aku lauga, E kau masau loa i le mamae o loku loto.

Sopo 16:20

E gologolo oku kaukaunea kiate au, Kae e kau kalaga mo tagi loimata ki loku Atua.

Sopo 23:2

I le lakaga nei foki ko laku lauga ko se agatuu, Kae kua tapono aku tagi e le mamae.

Sopo 7:3

Ko lena foki loku mauli : ko ni masina i le tuania, Ko lena loku vaega : ko ni pouli i le mamae.

Pesalemo 115:17

E leaise ko le kau mate leia e fakavikiviki ki le Eteleno, E leaise ko se tasi fua ia latou ala kua ifo ki le nofoaga o le fakalologo ;

Pesalemo 30:10

Kolea e ke maua i le liligi o loku toto, I loku fakaifo ki le popoko ? Pe maua e le efu ni fakafetai kiate koe ? Pe fakamatala e ia lou agatonu ?

Pesalemo 38:9

Kua oki loku makeke, ti kua kau fatifati katoa. E kau tagi o tupu ko le lasi o le mamae o loku loto.

Pesalemo 39:12

E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Pesalemo 42:3

E fia inu loku laumalie ki le Atua, ki le Atua mauli : E kau ano loa afea o sa ki mua o le Atua ?

Pesalemo 69:3

E kau ogo i le pela, e leaise mafai ke kau tuu ; Na kau vilo ki se pupua, ti e kau malemo i se vai lasi.

Pesalemo 88:11

Pe ke fai ni milakulo kia latou ala kua mamate ? Pe tutuu ake le kau mate ki aluga o fakafetai kiate koe ? - Manava.

Pesalemo 88:9

Na ke fakamamao iate au oku kaukaunea, Na ke fakaliliu au kia latou ko se nea fakalialia ; Kua kau toka tasi i loku mamae, ti e leaise kau mafai le ulu ki fafo.

Esaia 38:18

E leaise ko le nofoaga leia o le kau mate e fakafetai kiate koe, E leaise ko le mate leia e sua kiate koe ; Ko latou ala kua ifo ki le popoko e leaise lotou toe amanaki malie ki lou agatonu.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Tagi laulau a Selemia 1:16

Koia leia e kau tagi ai, ti e sasali ai oku loimata ; Talie kua fakamamao iate au, leia e fakapelepele ia loa au, Leia e toe fakamakeke ia loa loku mauli. Kua mamae oku vosa, talie kua malo le fili.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 2:11

Kua gaegae oku mata i le tagi, kua pula oku tootooga, Kua pa loku au i le kele, O tupu kua maumau le taine o loku kakai, O tupu kua mata fakapouli a toe mo toe memea i ala o le kolo.

Luka 7:38

ti na ano loa a ia o nofo i vae o Sesu, mei muli. Na tagi a ia, ti na kamata fakasusu loa e ia a vae o Sesu ki ona loimata, ti na solo loa e ia laua ki lona lauulu, o sogi ki ai, ti na takai loa e ia laua ki le kaloni.