Pesalemo 6:10 - Tosi Tapu

¹⁰ E tali e le Eteleno aku tagi, Ti e kukumi e le Eteleno laku kole.

Pesalemo 6:10 ပူးပေါင်းရင်းမြစ်များ

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Sopo 6:29

Kotou toe liliu mai kiate au, kae tuku lakoutou faisala o uiga mo au ; Kotou toe liliu mai ti kotou fakamaoki ki loku mea.

Pesalemo 112:10

E tio ki ai le tagata agaveli, ti e itaita a ia ; E gugu e ia ona nifo, ti e okioki a ia ; E pupuli noa a oli o le kau agaveli.

Pesalemo 132:18

E kau fakakofu loa ki le luma ona fili, Kae gigila loa lona pala i lona lae.

Pesalemo 2:5

Ti e folafola a ia kia latou i lona ita, Ti e fakamamae e ia latou i lona sausau lasi :

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 35:26

Ke lotou luma fuli fakatasi ti ke lotou i, Latou ala e fiafia o tupu ko loku malaia ! Ke lotou kofu ki le luma mo le fakalialia, Latou ala e agatuu mai kiate au !

Pesalemo 5:10

Talie e leaise maua se maoki i olatou gutu ; E apele olatou loto i le kaka, Ti ko olatou fatakia ko se tanuma mavaa, Ti e lotou maua i olatou alelo ni masau fakalapulapu.

Pesalemo 55:20

E logo loa le Atua, ti e tautea loa e ia latou, E ia leia e eke i lona ekeekeaga fakasau mei le lee gato ; - Manava. Talie leaise maua ia latou se fetogi, Ti e leaise lotou i ki le Atua.

Pesalemo 7:6

Ke tuli au e le fili, ti ke tapo au e ia, Ti ke takafi e ia loku mauli ki le kele, Ti ke takafi e ia loku kololia ki le kele ! - Manava

Pesalemo 71:13

Ke lotou luma, ti ke lotou malaia latou ala e loto ki loku mauli ! Ke lotou apele i le luma mo le malaia, latou ala e afa ki loku mate !

Pesalemo 71:24

E fakasa loa e loku alelo lou faitotonu i aso fuli, Talie kua luma mo mamae latou ala e afa ki loku mate.

Pesalemo 73:19

Kolea koia ! I se kemo o le mata ko lena latou kua maumau ! Kua too latou, kua lotou pupuli i se mate fakafokifa !

Pesalemo 86:17

Fai se fakamailoga kiate au, Ke tio ki ai oku fili ti ke lotou laulaunoa ! Talie e ke tokoi kiate au, ti e ke fakapelepele au, ei Eteleno !

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Selemia 20:11

Kae e nofo le Eteleno mo au ofaipe se tagata toa makeke. Koia leia e tukia ai latou ala e fakaveliveli mai kiate au, ti e leaise lotou malo loa iate au ; E lotou apele loa i le luma talie na leaise soko alatou fakakaukau : Ko se matagafua lee gato lena kia latou, leia e leaise toe galo loa.

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.