Pesalemo 56:8 - Tosi Tapu

⁸ I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Pesalemo 56:8 ပူးပေါင်းရင်းမြစ်များ

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Sopo 16:20

E gologolo oku kaukaunea kiate au, Kae e kau kalaga mo tagi loimata ki loku Atua.

Pesalemo 121:8

E taupau loa e le Eteleno lou mavae mo lau kaku, I le temi nei o lee gato.

Pesalemo 139:16

I le temi leia na kau nofo ai ko se fa nea noa, na tio ou mata kiate au ; Kae i lau tosi na tosi ai A aso fuli ala na fakatuutuu kiate au, kae e leikiaise sa se aso fua e tasi o latou.

Pesalemo 39:12

E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 18:23

Kae ko koe, Eteleno, e ke iloa alatou fonofono veveli fuli ke tamate au. Aua na ke fakamolemole lalatou agaveli, Aua na ke soloi lalatou agasala i ou mua ! Tautea latou i le aso o lou sausau !

Malakia 3:16

Ti na masau loa latou ala e i ki le Eteleno ia latou ; Na tokaga loa le Eteleno, ti na fakalogo loa a ia. Ti na tosi loa se tosi fakamanatu i ona mua Kia latou ala e i ki le Eteleno Ti e fakaapaapa ki lona suafa.

Mateo 10:30

Ti kua lau fuli okoutou fului ulu.

Lua tosi ki le kau Kolinto 11:26

Na tua lasi laku fefolauaki, na kau tutamaki i vaitafe, teiteiki mei le potu o le kau kaia, teiteiki mei le potu o latou o loku fenua, teiteiki mei le potu o le kau pagani, teiteiki i kolo, teiteiki i toafa, teiteiki i le tai, teiteiki i fetaina loi.

Epelo 11:13

Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 11:38

Latou ala na leaise gali le malama nei mo latou ! Na lotou sola saele loa i toafa ti mo mauga, i ana ti mo popoko o le kele.

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.

Uluaki tosi a Samuele 19:18

Na sola loa Tavite i lena, o sao ai. Na ano loa a ia kia Samuele i Lama, ti na fakamatala loa e ia nea fuli ala na fai e Saulo kiate ia. Ti na ano loa a ia mo Samuele, o nonofo i Nasote.

Uluaki tosi a Samuele 27:1

Na pati loa Tavite i lona loto : I se aso, e kau mate loa i le lima o Saulo ; e leaise nea leia e toe malie ake kiate au, kae e kau sola loa o saofaki loku mauli i le fenua o le kau Filisitini ; o tupu ke tuku ai e Saulo loku tuli i le fenua katoa o Iselaele ; ti e kau sao loa mei lona lima.