Pesalemo 53:5 - Tosi Tapu

⁵ Pe kua puli le atamai o latou ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Atua.

Pesalemo 53:5 ပူးပေါင်းရင်းမြစ်များ

Sopo 15:21

E kalaga ni leo fakaii ki ona taliga, Ti e saele le tagata maumau kiate ia kae e leaise iloa e ia.

Pesalemo 14:5

Koia e lotou lulu loa i le i lasi, Mo ka sa mai loa le Atua i loto malie o le lanu o tagata agatonu.

Pesalemo 141:7

Ofaipe se mafaa e sa i le kele, E fakamavaa loa e le nofoaga o le kau mate lona gutu, O folo olatou ivi ala kua mavetevete.

Pesalemo 2:4

Ko leia e eke i le atu lagi e kata, Ti e gologolo le Aliki kia latou.

Pesalemo 35:26

Ke lotou luma fuli fakatasi ti ke lotou i, Latou ala e fiafia o tupu ko loku malaia ! Ke lotou kofu ki le luma mo le fakalialia, Latou ala e agatuu mai kiate au !

Pesalemo 35:4

Ke lotou luma ti mo mamae latou ala e loto ki loku mauli ! Ke lotou solomuli, ti ke lotou luma, latou ala e fakakaukau ki loku mate !

Pesalemo 40:14

Alofa o saofaki au, Eteleno ! Eteleno, au vave o tokoi mai kiate au !

Pesalemo 73:20

Ofaipe se moe miti i le ala ake, Aliki, i lau ala ake, e ke tekei kese olatou paaki.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Selemia 49:15

Talie ko leinei, e kau fakaliliu loa a koe ke ikiiki i atu puleaga, Mo vesiainai e tagata.

Selemia 6:30

E fakaigoa latou ko se siliva veli, Talie kua tiaki latou e le Eteleno.

Tagi laulau a Selemia 2:6

Na veteki e ia lona a ofaipe leia o se oloto, Na maumaui e ia le ganea o lana fakatasi ; Na galoi e le Eteleno i Sione a aso lalasi mo le sapato, Ti na tiaki e ia i lona sausau lasi le sau mo le tagata faisakilifisio.

Esekiele 6:5

E kau tuku loa a mate o fanau a Iselaele i mua o olatou taulaatua, Ti e kau veteki loa okoutou ivi i tafatafa o okoutou aletale.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Uluaki tosi a Samuele 14:15

Na mafola loa le lulu i le nofolaga tau o le kau Filisitini, mo le fenua, mo le kakai katoa ; na toe lulu foki mo le kolo tau mo le kau maumau ; na maveuveu katoa le fenua. Na faipe se maveuveu na au mei le Atua.