Pesalemo 51:6 - Tosi Tapu

⁶ Na kau agasala kiate koe toka tasi, Ti na kau fai le nea leia e veli ki ou mata ; Koia e ke faitotonu ai loa i lau fakatuutuu, ti e ke maokioki ai loa i lau fakamaau.

Pesalemo 51:6 ပူးပေါင်းရင်းမြစ်များ

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Sopo 32:8

Kae kua kau iloa maoki nei, i le tagata, ko le laumalie fakaatua, Ko le matagi o le gutu o le Mafimafi leia e soli ia le atamai.

Sopo 38:36

Ko ai leia na tuku ia le poto ki le loto, Ko ai leia na soli ia le atamai ki le ipisi ke iloa e ia ka puke le Nile ; Ti mo le atamai ki le moatoa ke iloa e ia ka to le ua ?

Pesalemo 125:4

Eteleno, liligi au nea malilie ki le kau agamalie, Ti mo latou ala e loto sako !

Pesalemo 15:2

Ko leia e saele i le agatonu, leia e gaoi i le maokioki, Ti e masau i le maoki i lona loto ;

Pesalemo 26:2

Ke ke tilo au, ei Eteleno, ke ke asiasii au ; Ke ke tuku oku ifiifi mo loku loto ki le kulo saka ukamea !

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Pesalemo 41:5

E kau pati : Eteleno, alofa mai kiate au ! Fakamauli loku laumalie ! talie na kau agasala kiate koe.

Pesalemo 5:9

Eteleno ! taki au i lou maokioki, o tupu ko oku fili, Fakatokatoka lou ala i oku mua.

Taagapati 2:21

Talie e nonofo loa le kau agatonu i le fenua, Ti e nonofo loa i ai le kau saosaoa ;

Taagapati 2:6

Talie e soli e le Eteleno le poto ; E au mei lona gutu le iloa mo le atamai ;

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:40

E kau fai loa mo latou se sai lee gato, E leaise kau toe mafuli kese loa ia latou, E kau fai loa kia latou le nea leia e malie ; Ti e kau tuku loa ki olatou loto le i kiate au, O tupu ke aua na lotou fakamamao iate au.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Luka 11:39

Kae na pati loa le Aliki kiate ia : Ko koutou kau faliseo, e kotou fakamea a tafa o le ipu mo le pa, kae i loto e kotou apele i kaia mo agaveli.

Loma 7:22

Talie e kau maua loku fiafia i le lao a le Atua i loku loto totonu ;

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Sakopo 4:8

Kotou fakafeofi ki le Atua, ti e fakafeofi atu loa a ia kia koutou. Kotou fakamea okoutou lima, kau agasala, ti kotou fakamea okoutou loto, kau lotolotolua.

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.