Pesalemo 51:4 - Tosi Tapu

⁴ Ke ke fufulu katoa au i laku agaveli, Ti ke ke fakamea au i laku agasala.

Pesalemo 51:4 ပူးပေါင်းရင်းမြစ်များ

Senesi 20:6

Na pati loa le Atua kiate ia i le moe miti : E kau iloa na ke fai le nea lena i se loto mea ; koia na kau taofi ai a koe ke aua na ke agasala kiate au. Koia foki leia na leaise kau fakataga ai ke ke fafa ki le fafine.

Senesi 38:7

Ko Ela, le vosa uluaki o Suta, na agaveli ai ki mata o le Eteleno ; ti na fakamate loa a ia e le Eteleno.

Senesi 39:9

E leaise lasi ake a ia iate au i le fale leinei, ti e leaise tapui e ia se nea kiate au, gato fua kiate koe, talie ko lana avaga a koe. E feaki loa ke kau fai se nea veli fenaaki kiate ia, ti ke kau toe agasala ai ki le Atua ?

Senesi 9:6

Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Lua tosi o Sau 17:17

Na lotou momoli loa i le afi olatou vosa mo olatou taineliki, ti na lotou fai loa a nea fakakikite mo nea fakatemonio, ti na lotou fakatau loa latou ke fai le nea leia e veli ki mata o le Eteleno, o tupu ke ita ai.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Pesalemo 50:4

E kalaga a ia ki le atu lagi i aluga, Ti e kalaga a ia ki le kele, o tupu ke fakamaau lona kakai :

Pesalemo 50:6

Ti e fakasa loa e le atu lagi lona faitotonu, Talie ko le Atua leia e tui fakamaau. - Manava.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Levitiko 5:19

Ko se sakilifisio a ia o le faisala talie na sala maoki le tagata lena ki le Eteleno.

Luka 15:21

Na pati loa le vosa kiate ia : Tamana, kua kau agasala ki le lagi ti mo koe, e leaise koi kau gali ke fakaigoa au ko lou vosa.

Luka 7:29

Na logo le kakai katoa mo le kau popelikano kiate ia, ti na lotou fakamaoki ki le agatonu o le Atua, i lolatou papitema ki le papitema a Soane ;

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Loma 3:4

E leai ai ! Ke maoki le Atua, kae loi tagata fuli, o mulimuli ki le nea leia kua tosi : O tupu ke maua a koe e faitotonu i au masau, Ti ke ke malo i lou fakamaau.

Sakopo 2:11

Talie ko leia na pati : Aua na ke tono, na toe pati foki : Aua na ke tukipo. Koia kapau e leaise ke tono, kae ke tukipo, kua ke liliu ko se tagata maumau lao.

Sakopo 2:9

Kae kapau e kotou fai se fakapalatasi, e kotou fai se agasala, ti e fakatuaa koutou e le lao ofaipe ni tagata maumau lao.

Apokalipisi 16:5

Ti na kau logo loa ki le aselo o vaitafe na pati : E ke faitotonu, a koe leia e agai nei, ti na agai i mua ; e ke maokioki, talie kua ke fakasoko le fakamaau leinei.

Apokalipisi 19:11

Ti na oki a ia, na kau tio loa kua mavaa le lagi, ti ko leinei, na sa loa se osi tea. Ko leia na eke i ai e igoa ko Agatonu mo Maoki, ti e fakamaaui e ia, ti e tau a ia i le faitotonu.