Pesalemo 51:14 - Tosi Tapu

¹⁴ Toe tuku mai kiate au le fiafia o lou fakamauli, Ti ke poupou au e se loto malie !

Pesalemo 51:14 ပူးပေါင်းရင်းမြစ်များ

Senesi 42:22

Na masau loa Lupeni kia latou, o pati : Pe na leaise kau pati atu kia koutou ke aua na kotou fai se nea veli ki le toe ? Kae na leaise kotou fakalogo mai kiate au. Ti ko leinei, kua tou totogi loa lona toto.

Senesi 9:6

Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Lua tosi a Samuele 12:9

Kolea na ke fakanoai ai le folafola a le Eteleno, o ke fai ai le nea e veli ki ona mata ? Na ke taai ki le seleta a Uli, le tagata Eti ; na ke too lana avaga ke liliu ko lau avaga, ti na ke tamate a ia ki le seleta o vosa o Amone.

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Lua tosi a Samuele 3:28

Na logo loa Tavite ki le nea lena, ti na pati loa a ia : E kau mea malie mo loku puleaga i mua o le Eteleno, o lee gato, mei le toto o Apenele, vosa o Nele.

Esetalasi 9:13

I le sili o nea fuli ala kua soko kia matou, o tupu ko amatou gaoi veveli mo amatou sala lalasi ala na motou fai, kae na leaise ke tautea matou, ei lomatou Atua, o mulimuli ki le lasi o amatou agaveli ; ti ko leinei kua ke fakamauli ni iki,

Neemia 9:33

Na ke faitotonu i nea fuli ala na soko kia matou, talie na ke agatonu kae na motou fai le nea leia e veli.

Pesalemo 25:5

Ke ke taki au i lou maoki, ti ke ke ako au ; Talie ko le Atua a koe o loku fakamauli, Ko loku amanaki malie a koe o lee gato.

Pesalemo 26:9

Ke aua na ke too loku laumalie mo le kau agasala, Loku mauli mo le kau tagata tukipo,

Pesalemo 35:28

Ti e fakasa loa e loku alelo lou faitotonu, Io, e fakasa loa e ia lou malie i aso fuli.

Pesalemo 38:22

Ke aua na ke tiaki au, Eteleno ! Ei loku Atua, ke aua na ke fakamamao iate au !

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Pesalemo 68:20

Ke fakafetai ki le Aliki i aso taki tasi ! Ka teki ni kavega mamafa kia matou, e fakamauli matou e le Atua. - Manava.

Pesalemo 88:1

Katiko. Pesalemo a vosa o Kole. Ki le pule o le kau sua. Ke sua i le fulute. Katiko a Emani, ko le tagata Eselaki.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esekiele 33:8

Kapau e kau pati ki le tagata agasala : Tagata agasala, e ke mate loa ! Kapau e leaise ke masau ke tafoki le tagata agasala i lona ala, e mate loa le tagata agasala lena i lana agasala, ti e kau afa loa lona toto kiate koe.

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Taniela 9:7

A au, Aliki, le faitotonu, kae a matou le luma i le aso nei, a tagata o Suta, mo le kakai o Selusalemi, ti mo Iselaele katoa, latou ala e nofo feofi mo latou ala e nofo mamao, i fenua fuli ala kua ke kapu latou ki ai, o tupu ko agatuu fuli ala na lotou agasala ai kiate koe.

Oseo 4:2

Kae ko lauveli, mo loi, mo tukipo, mo kaia, mo tono ; Kua masani le fakamakeke, kua sosolo le tukipo.

Apakuki 3:18

Kae, e kau loto ke kau fakafiafia i le Eteleno, E kau loto ke kau fakafiafia i le Atua o loku fakamauli.

Gaoi 18:6

Kae na fakafesagai loa le kau Sutea kiate ia o lauveli kiate ia ; koia na tutui ai loa e Paulo ona kofu, o pati kia latou : Ke toe vilo lokoutou toto ki okoutou ulu ! E kau mea i ai. Kamata atu i le aso nei e kau ano loa ki le kau pagani.

Gaoi 20:26

Koia e kau fakapapau atu kia koutou i le aso nei, e kau mea mei le toto o koutou fuli,

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;