Pesalemo 50:7 - Tosi Tapu

⁷ Fakalogo mai, ei loku kakai ! ti e kau masau loa ; Iselaele ! e kau valoki loa a koe, Ko au ko le Atua, ko lou Atua.

Pesalemo 50:7 ပူးပေါင်းရင်းမြစ်များ

Uluaki tosi o Sau 18:39

I le tio loa a le kakai ki le nea lena, na lotou tulolo fuli loa ki le kele, o pati : Ko le Eteleno leia e Atua ! Ko le Eteleno leia e Atua !

Lua tosi o Sau 17:13

Na valoki loa e le Eteleno a Iselaele mo Suta ki ana polofeta fuli mo le kau kikite katoa, o pati kia latou : Kotou tafoki mai mei okoutou ala veveli, ti ke kotou tausi aku fakatotonu mo aku lao, o mulimuli katoa ki le lao leia na kau fakatotonu ki okoutou tamana ti na kau soli atu kia koutou i aku tagata fakasausau, le kau polofeta.

Lua tosi o Koloniko 28:5

Na tuku loa a ia e le Eteleno, lona Atua, ki lima o le sau o Silia ; ti na taai loa a ia e le kau Silia, ti na lotou ave popula loa se toka api ki Tamaso. Na toe tuku foki a ia ki lima o le sau o Iselaele, leia na taai fakavelivelii ia a ia.

Pesalemo 49:1

Ki le pule o le kau sua. O vosa o Kole. Pesalemo.

Pesalemo 81:8

Na ke kalaga i le mamae, ti na kau saofaki a koe ; Na kau tali kiate koe mei le mumuniaga o le mana ; Na kau asiasii a koe i vai o Melipa. - Manava.

Pesalemo 81:9

Fakalogo mai, ei loku kakai ! ti e kau fakasa fakatomua loa kiate koe ; Iselaele, pe mafai fua ke ke fakalogo mai kiate au !

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Selemia 2:9

Koia e pati le Eteleno : E kau loto ke kau toe masau kia koutou, E kau loto ke kau masau ki akoutou fanau ti mo fanau o akoutou fanau.

Esekiele 20:5

E ke pati loa kia latou : E folafola le Aliki, le Eteleno, o pati : I le aso leia na kau filifili ai Iselaele, na kau siki loku lima ki le sakoga o le fale o Sakopo, ti na kau sa kia latou i le fenua o Esipito ; ti na kau siki loku lima kia latou, o pati : Ko au ko le Eteleno, lokoutou Atua.

Esekiele 20:7

Na kau pati kia latou : Ke kotou tasi tiaki a nea fakalialia ala e toso ia okoutou mata, ti aua na kotou fakakelekele koutou ki a taulaatua o Esipito ! Ko au ko le Eteleno, lokoutou Atua.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.