Pesalemo 50:5 - Tosi Tapu

⁵ Ke kotou fakatasi mai kiate au aku kau agatonu, Latou ala na fai ia se sai mo au i le sakilifisio !

Pesalemo 50:5 ပူးပေါင်းရင်းမြစ်များ

Pesalemo 30:4

Eteleno ! Na ke fakatuu ake loku laumalie i le nofoaga o le kau mate, Ti na ke toe tuku ke kau toe mauli o mamao ia latou ala e ifo ki le popoko.

Pesalemo 97:10

Koutou ala e alofa ki le Eteleno, kotou vesia ki le veli ! E taupau e ia a laumalie o lana kau agatonu, E saofaki e ia latou i le lima o le kau agaveli.

Taagapati 2:8

E tausi e ia a ala o le faitotonu, Io, e taupau e ia le ala o lana kau agatonu.

Esaia 13:3

Kua kau tuku ni fakatotonu ki laku solia maokioki, Ti kua kau kalagai a kau toa o loku sausau, latou ala e fiafia i loku mafimafi.

Sakalia 14:5

E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Lua tosi ki le kau Tesalonika 2:1

O uiga mo le toe liliu mai o lotatou Aliki ko Sesu-Kilisito ti mo latatou fakatasi mo ia, e motou kole atu, fetaina,

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Suta 1:14

Ko latou foki ana na folafola fakakikite ki ai Enoke, ko le fitu o le kau pateliaka meia Atama, o pati : Ko leinei, kua au le Aliki mo ana kau miliate maokioki,