Pesalemo 50:18 - Tosi Tapu

¹⁸ Kapau e ke tio ki se tagata kaia, e ke fiafia mo ia, Ti e ke maua lou vaega i le kau tono.

Pesalemo 50:18 ပူးပေါင်းရင်းမြစ်များ

Lua tosi a Samuele 13:5

Na pati loa Sonatape kiate ia : Ano o moe i lou palepale o sakinake kua ke masaki. Ka au loa lou tamana o tio kiate koe, ti ke pati loa kiate ia : Fakataga kia Tamale, loku tuagaane, ke au o aumai saku nea kai ; ke teuteui e ia se nea kai i oku mua, o tupu ke kau tio ki ai ti ke kau too a ia mei lona lima.

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Mateo 23:30

ti e kotou pati : Ka na motou mauli i le temi o omatou tamana, na leaise motou kau loa i le liligi o le toto o le kau polofeta.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Uluaki tosi kia Timoteo 5:22

Aua na ke teki fakatavili ou lima ki se tasi, ti ke aua na ke kau ki agasala a le kakai ; kae ke ke taupau a koe i le mea.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.