Pesalemo 50:14 - Tosi Tapu

¹⁴ Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Pesalemo 50:14 ပူးပေါင်းရင်းမြစ်များ

Sopo 22:27

E ke faikole loa kiate ia, ti e tali atu loa a ia kiate koe, Ti e ke fakasoko loa au fakapapau.

Pesalemo 147:1

Kotou fakafetai ki le Eteleno ! Talie e fulumalie ke sua fakafetai ki lotatou Atua ; Talie e malie ti e gali ke fakafetai kiate ia.

Pesalemo 22:25

Talie e leaise vesia a ia pe fakanoai e ia a mamae o leia e mamae, Ti e leaise fufu e ia ona mata kiate ia. Kae e fakalogo a ia kiate ia mo ka tagi a ia kiate ia.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 27:6

Ti ko leinei foki, e malaga loku ulu i aluga o oku fili ala e takatakai ia au. E kau momoli loa ni sakilifisio i lona falela, I le tagi o le fakatagi pupusi ; E kau sua loa, e kau fakafetai loa ki le Eteleno.

Pesalemo 50:23

Ko leia e momoli ia ni sakilifisio ko ni fakafetai e fakakololia kiate au ; Ti ko leia e tokaga ki lona ala, E kau fakatio loa a ia ki le fakamauli o le Atua.

Pesalemo 56:12

E kau fanaki ki le Atua, ti e leaise kau tuania ia se nea : Kolea e mafai ke fai mai e se tagata kiate au ?

Pesalemo 61:8

Ke eke a ia i le ekeekeaga fakasau o lee gato i mua o le Atua ! Ke ke tuku ke tokaga lou agamalie mo lou agatonu kiate ia !

Pesalemo 65:1

Ki le pule o le kau sua. Pesalemo a Tavite. Katiko.

Pesalemo 69:32

E malie le nea lena ki le Eteleno, o lasi ake i se pipi tagata Mo ona tala ti mo ona taga vae.

Pesalemo 76:11

Io, e toe fakafetai foki kiate koe le tagata i lona itaita, Mo ka ke kofu ki lou sausau katoa.

Pesalemo 76:12

Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Naume 2:1

Ko leinei i aluga o mauga A vae o le tagata avelogo leia e fakasa ia le tokamalie ! Suta, fai ou aso lalasi, fakasoko au fakapapau ! Talie e leaise toe ano loa le tagata agaveli i loto malie o ou, Kua motusi oki a ia…

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Tetelonome 23:21

Kapau e ke fai loa se fakapapau ki le Eteleno, lou Atua, ti ke aua na ke tuvai loa i lona fai ; talie e afa atu loa e le Eteleno, lou Atua, a ia kiate koe, ti e ke maua ia loa se agasala.

Tetelonome 23:22

Kae kapau e leaise ke fai ia se fakapapau, ti e leaise ke fai ia loa se agasala.

Tetelonome 23:23

Kae e ke tausi loa mo ke fakasoko ia loa le nea leia e mavae loa mei lou gutu, o mulimuli ki fakapapau ala e ke fai loa ki le Eteleno, lou Atua, i lou loto faitalisa, ti e puaki loa e lou gutu.

Tetelonome 23:24

Kapau e ke ulu loa ki le vite o lou oloi, e feala loa ke ke kai ni fuai vite o makona ; kae ke aua na ke fafao loa latou ki lau kete.

Uluaki tosi ki le kau Tesalonika 5:18

Kotou fakafetai i nea fuli, talie ko le finegalo a ia o le Atua ia Sesu-Kilisito kia koutou.

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,