Pesalemo 5:4 - Tosi Tapu

⁴ Eteleno ! i le usu e ke logo ki loku leo ; I le usu e kau maliu o tio kiate koe.

Pesalemo 5:4 ပူးပေါင်းရင်းမြစ်များ

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Pesalemo 101:7

Ko leia e mauli i le kaia e leaise nofo loa i loku fale ; Ko leia e fai ia ni loi e leaise tuu loa i oku mua.

Pesalemo 11:5

E tilo e le Eteleno le loto o le tagata agatonu ; E vesia a ia ki le tagata agaveli mo leia e fiafia i le agamakeke.

Pesalemo 140:13

E kau iloa e faitotonu le Eteleno ki leia e mamae, E agatonu a ia ki le kau mativa.

Pesalemo 50:21

Ko lena le nea leia e ke fai, ti na kau fakaleemu. Na ke pati i lou loto e kau tatau mo koe ; Kae e kau valoki loa a koe, ti e kau tuku loa nea fuli ki ou mua.

Pesalemo 63:2

Ei Atua ! ko koe ko loku Atua, e kau afa a koe. E fia inu loku laumalie kiate koe, e oli loku tino kiate koe I se kele malo, mo fia inu, mo sala vai.

Pesalemo 88:14

Ei Eteleno ! e kau tagi ki lau tokoi, Ti e pale atu i le usu laku kole kiate koe.

Pesalemo 92:15

E lotou toe maua ia foki ni fua i lolatou temi matua, E lotou apele i le mauli ti e lotou sesega malie,

Pesalemo 94:20

Pe fakaeke loa a koe e le kau agaveli ki lolatou ekeekeaga fakasau, Latou ala e fai ia ni fakakaukau veveli ki le lao ?

Apakuki 1:13

E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Lua tosi a Petelo 3:13

Kae e tou talitali, o mulimuli ki lana fakapapau, ki ni lagi foou mo se kele foou, leia e nofo ai loa le maokioki.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.