Pesalemo 5:2 - Tosi Tapu

² Ei Eteleno, fakalogo mai lou taliga ki aku masau ! Fakalogo mai ki aku tagi !

Pesalemo 5:2 ပူးပေါင်းရင်းမြစ်များ

Uluaki tosi o Sau 8:28

Kae logo ai le nea lena, ei Aliki, loku Atua, maliu mai ou mata kiate au, o fakalogo ki le kole mo le tagi a lau tagata fakasausau ; io fakalogo ki le tagi mo le kole e fai atu kiate koe e lau tagata fakasausau i le aso nei :

Pesalemo 10:16

E sau le Eteleno i tautupu mo tautupu, o lee gato ; E too loa a atu puleaga pagani i lona fenua.

Pesalemo 145:1

Fakafetai. A Tavite. E kau siki loa a koe, ei loku Atua, loku sau ! Ti e kau fakafetai loa ki lou suafa i temi fuli, o lee gato.

Pesalemo 3:4

Kae ko koe, ei Eteleno ! ko loku paletau a koe, Ko loku kololia a koe, ti e ke toe lagai loku ulu ki aluga.

Pesalemo 44:4

Talie na leaise lotou maua le fenua o tupu ko alatou seleta, Na leaise saofaki latou e olatou lima : Kae ko lou lima atamai, ko lou makeke, ko le malama o ou mata, Talie na ke alofa kia latou.

Pesalemo 65:2

I le fanaki, ei Atua ! e fakafetai loa kiate koe i Sione, Ti e fakasoko loa a fakapapau fuli na fai kiate koe.

Pesalemo 74:12

Talie ko le Atua ko loku sau talu mei temi afea : Ko ia leia e fai ia ni fakamauli i le malama nei.

Pesalemo 84:3

E oli loku laumalie ti e tagi ki lotoa o le Eteleno ; Ko loku loto mo loku tino e fai ia ni kalaga ki le Atua mauli.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Tagi laulau a Selemia 3:56

Na ke logo ki loku leo : Aua na tapono ou taliga ki aku tukumanava mo aku tagi !