Pesalemo 5:12 - Tosi Tapu

¹² Ti e fiafia loa latou fuli ala e fanaki kiate koe, Ti e lotou kalaga fiafia loa o lee gato, ti e ke malui loa latou. E ke liliu loa ko se fiafiaaga kia latou ala e alofa ki lou suafa.

Pesalemo 5:12 ပူးပေါင်းရင်းမြစ်များ

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Pesalemo 115:13

E tapuaki loa a ia kia latou ala e i ki le Eteleno, Liliki mo lalasi ;

Pesalemo 118:15

E malaga ni kalaga o le malo mo le fakamauli i falela o le kau agatonu : E fakasa e le lima atamai o le Eteleno lona mafimafi !

Pesalemo 119:132

Fulusi mai ou mata kiate au, ti alofa mai kiate au, O mulimuli ki lau agamasani kia latou ala e alofa ki lou suafa !

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 3:3

E toka api latou ala e masau o uiga mo au : E leaise toe maua se fakamauli kiate ia i tafa o le Atua ! -Manava.

Pesalemo 3:8

Ke ke tuu ki aluga, Eteleno ! Ke ke saofaki au, ei loku Atua ! Talie e ke taai a kalaafau o oku fili fuli, E ke fatifatii a nifo o le kau agaveli.

Pesalemo 32:10

E lasi ni mamae e maua e le tagata agaveli ; Kae ko leia e fanaki ki le Eteleno e takatakai a ia e lona kalasia.

Pesalemo 32:7

Ko se mumuniaga a koe kiate au, e ke puipui au i le mamae, E ke takatakai au ki ni sua o le fakamauli. - Manava.

Pesalemo 68:4

Kae e fiafia le kau agatonu, e lotou malo i mua o le Atua, E lotou nekenekea.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.