Pesalemo 5:10 - Tosi Tapu

¹⁰ Talie e leaise maua se maoki i olatou gutu ; E apele olatou loto i le kaka, Ti ko olatou fatakia ko se tanuma mavaa, Ti e lotou maua i olatou alelo ni masau fakalapulapu.

Pesalemo 5:10 ပူးပေါင်းရင်းမြစ်များ

Lua tosi a Samuele 15:31

Na au loa o fakasa kia Tavite : Kua nofo Asitofele mo Apesalone i le kau fakafesagai. Ti na pati loa Tavite : Ei Eteleno, e kau kole atu kiate koe, ke ke fakaliliu ke noa a tokoi a Asitofele !

Lua tosi a Samuele 17:14

Na pati loa Apesalone mo le kakai katoa o Iselaele : E malie ake le tokoi a Usai, le tagata Aleki, i le tokoi a Asitofele. Talie kua fakatotonu e le Eteleno ke fakanoai le tokoi malie a Asitofele, o tupu ke aumai ai le malaia kia Apesalone.

Lua tosi a Samuele 17:23

I le tio a Asitofele na leaise fakaaoga lana tokoi, na tuu loa a ia, o sopo ki lana asino o toe liliu ki lona kaiga i lona kolo. Na tuku loa e ia ana fakatotonu ki lona fale, ti na nonoa loa e ia lona ua o tautau. Ti na mate ai loa a ia, ti na tanu loa a ia i le tanuma o lona tamana.

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Esitele 7:10

Ti na tautau loa a Amane ki le laakau leia na teuteui e ia kia Maletoseo. Ti na malu loa le ita o le sau.

Pesalemo 10:15

Fatii le lima o le tagata agaveli, Tautea ana agaveli, ti ke puli a ia i ou mata !

Pesalemo 107:11

Talie na lotou agatuu ki folafola a le Atua, Talie na lotou vesia ki le akonaki a le Taualuga.

Pesalemo 17:13

Eteleno, ke ke tuu ki aluga, ke ke saele kiate ia, ke ke peesi a ia ki lalo ! Saofaki au mei le tagata agaveli ki lau seleta !

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 35:26

Ke lotou luma fuli fakatasi ti ke lotou i, Latou ala e fiafia o tupu ko loku malaia ! Ke lotou kofu ki le luma mo le fakalialia, Latou ala e agatuu mai kiate au !

Pesalemo 55:15

Na ta nonofo fakatasi i le fealofani ti na ta felogoi malie ai ; Na ta ano fakatasi mo le kakai ki le fale o le Atua !

Pesalemo 66:7

E pule a ia o lee gato i lona mafimafi, E tio ona mata ki atu puleaga : Ke aua na malaga ki aluga le kau agatuu ! - Manava.

Pesalemo 71:13

Ke lotou luma, ti ke lotou malaia latou ala e loto ki loku mauli ! Ke lotou apele i le luma mo le malaia, latou ala e afa ki loku mate !

Pesalemo 79:12

Liufaki ki fatafata o latou ala i omatou tafatafa o tua fitu, A lauveli ala na lotou fai ia kiate koe, Aliki !

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Tagi laulau a Selemia 1:5

Kua malo latou na fakamamae ia a ia, kua fimalie ona fili ; Talie kua tuku a ia ki lalo e le Eteleno, O tupu ko le lasi o ana agasala ; Kua saele ana fanau ki le popula i mua o le fili.

Taniela 9:5

Kua motou agasala, kua motou fai le agaveli, kua motou agatuu mo patigataa, ti kua motou tiaki au fakatotonu mo au lao.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Uluaki tosi ki le kau Kolinto 3:19

Talie ko le poto o le malama nei ko se valea a ia i mua o le Atua. Talie kua tosi : E tapo e ia le kau poto i lalatou fia poto.

Tetelonome 2:30

Kae na leaise tali loa e Sioni, sau o Eseponi, ke motou fakalaka i lona fenua ; talie na fakafefeka loa e le Eteleno, lou Atua, lona ulu mo lona loto, o tupu ke tuku a ia ki lou lima, ofaipe lau tio ki ai i le aso nei.

Uluaki tosi a Samuele 25:29

Kapau kua malaga se tagata o tuli a koe ti mo loto ki lou mauli, e puipui tuumau loa le laumalie o loku aliki e le Eteleno, lou Atua, i ona tafa, kae tiaki loa e ia ki mamao, ofaipe se kalolo, le mauli o ou fili.

Uluaki tosi a Samuele 25:39

Na logo loa Tavite kua mate Napale, ti na pati loa a ia : Ke fakafetai ki le Eteleno leia na puipui ia au i le nea veli leia na fai mai e Napale kiate au, leia na taofi ia lana tagata fakasausau ke fai ia le veli ! Kua fakavilo e le Eteleno le agaveli a Napale ki lona ulu. Na kakau loa e Tavite ke fakaafe ake Apikaile ke liliu ko lana avaga.