Pesalemo 49:6 - Tosi Tapu

⁶ Kolea e kau i ai loa i le aso o le malaia, Mo ka takatakai au e le agaveli o oku fili ?

Pesalemo 49:6 ပူးပေါင်းရင်းမြစ်များ

Esitele 5:11

Na masau loa Amane kia latou ki le lasi mo le fulumalie o ona koloa, mo le lasi o ona vosa, mo nea fuli ala na fai e le sau ke fakaalialiki ai a ia, mo le tuulaga leia na soli ake e le sau kiate ia i aluga o le kau pule mo le kau tagata fakasausau a le sau.

Pesalemo 112:7

E leaise tuania e ia ni logo veveli ; E makeke lona loto, o fanaki ki le Eteleno.

Pesalemo 112:8

Na fakamakeke lona loto ; e leaise maua e ia se i, Kae e fiafia a ia i le tio ki ona fili.

Pesalemo 52:7

Koia e maumaui ai loa a koe e le Atua o lee gato, E too loa e ia a koe, ti e ave loa e ia a koe i lou falela ; E taaki loa e ia a koe i le kele o le kau mauli. - Manava.

Pesalemo 56:5

E kau fakamalo loa ki le Atua, ki lana folafola ; E kau fanaki ki le Atua, e leaise kau tuania ia loa se nea : Kolea e mafai mai e se tagata kiate au ?

Pesalemo 56:7

E lotou fakakaukau veli kiate au, e lotou lamalama au, e lotou tio ki oku lakaaga, Talie e lotou loto ki loku mauli.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Taagapati 10:15

Ko le koloa o le tagata mou koloa ko se kolo makeke kiate ia ; Kae ko le mativa o le kau fakaaloalofa ko lolatou maumau a ia.

Taagapati 11:28

E siga loa leia e fanaki ki ona koloa, Kae e sesega loa le kau agatonu ofaipe le lau o laakau.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Oseo 12:8

Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Maleko 10:24

Na ofolele loa le kau tisipulo i le masau lena a Sesu. Ti na toe masau loa a ia, o pati kia latou : Ei oku fanau, e faigataa ai kia latou ala e fanaki ki koloa ke ulu ki le puleaga o le Atua !

Luka 12:19

ti e kau pati loa ki loku laumalie : Ei loku laumalie, kua lasi ai ou koloa ala kua tanaki ki ni fetuu mauke ai ; malolo la, mo kai, mo inu, ti mo fiafia.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.