Pesalemo 49:5 - Tosi Tapu

⁵ E fakalogo loku taliga ki masau fakatata a le kau poto, E kau fakamatala loa latou i le tagi o le alepe.

Pesalemo 49:5 ပူးပေါင်းရင်းမြစ်များ

Senesi 49:17

E fai a Tane pe se gata i le ala, Pe se gata kona i se ala lau ikiiki, Leia e uuti ia a taga vae o osi, Ke vilo ai ki muli le tagata leia e eke i aluga.

Pesalemo 22:16

E malo loku makeke ofaipe le kele kula, Ti e pipiki loku alelo ki loku gutu ; E ke tuku au ki le efu o le mate.

Pesalemo 23:4

Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 38:4

E leaise nea fua koi malie i loku tino, o tupu ko lou sausau ; E leaise koi maua se makeke i oku ivi, o tupu ko laku agasala.

Pesalemo 78:2

E kau fakamavaa loku gutu i ni folafola fakatata, E kau fakasa le poto mei le temi afea.

Taagapati 24:10

Kapau e ke gaegae i le aso o le mamae, Ko lou makeke e ikiiki fua.

Taagapati 5:22

E saisai le tagata agaveli e ana aga veveli totonu, E tapo a ia e va o lana agasala.

Oseo 7:2

E leaise lotou pati fua i olatou loto E kau iloa alatou agaveli ; I le lakaga nei e takatakai latou e alatou gaoi, E lotou tuu i oku mua.

Amosi 5:13

Koia leia kua fakaleemu ai le tagata poto, i ni temi ofaipe temi nei, Talie kua veveli a temi nei.

Numelo 23:7

Na fai loa e Palaame lana folafola fakatata, o pati : Na fakaifo mai au e Palake mei Alame, Na fakaifo mai au e le sau o Moape mei mauga o Silia. Au, o fakamalaia Sakopo ! Au, o ita ki Iselaele !

Gaoi 27:24

o pati mai kiate au : Paulo, aua na ke i, talie e tonu ke ke tuu i mua o Sesale, ti ko leinei, kua soli atu e le Atua kiate koe le mauli o latou fuli ala e folau mo koe.

Efeso 5:16

kotou totogi le temi, talie kua veveli a aso.

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Uluaki tosi a Samuele 26:20

Oi ! Ke aua na tafe loku toto ki le kele, o mamao mo mata o le Eteleno ! Talie kua saele le sau o Iselaele o afa se fa kutu, ofaipe le kapu o se moa vao i le mauga ?