Pesalemo 49:11 - Tosi Tapu

¹¹ Talie e lotou tio loa ki ai : E mamate le kau poto, E toe mate foki le tagata valea mo leia e sala atamai, Ti e lotou tuku olatou koloa ki ni iki ake.

Pesalemo 49:11 ပူးပေါင်းရင်းမြစ်များ

Senesi 4:17

Na ano loa Kaino ki lana avaga ; ti na tinae loa lana avaga, ti na fanaui loa e ia Enoke. Na fakatuu loa e ia se kolo, ti na tuku loa e ia ki le kolo lena le igoa o lona vosa ko Enoke.

Lua tosi a Samuele 18:18

I le temi leia na mauli ai Apesalone, na fakatuu e ia sona fatu fakamanatu i le vaivailiua o le sau ; talie na pati a ia : E leai soku vosa ke taupau ia le fakamanatu o loku igoa. Ti na tuku loa e ia lona igoa totonu ki le fatu lena, leia koi fakaigoa i le aso nei ko le fatu fakamanatu o Apesalone.

Pesalemo 10:6

E pati a ia i lona loto : E leaise kau siga, Ti e leaise toe kaku mai se malaia kiate au !

Pesalemo 39:7

Io, e evaeva le tagata ofaipe se malu, E taugaoi noa a ia ; E tanaki e ia, kae e leaise iloa e ia pe ko ai e maua ia loa.

Pesalemo 5:9

Eteleno ! taki au i lou maokioki, o tupu ko oku fili, Fakatokatoka lou ala i oku mua.

Pesalemo 64:6

E lotou fakamakeke i lalatou agaveli ; E lotou fakakaukau ni masele, E lotou pati : ko ai e tio loa kia matou ?

Ekelesiasi 2:14

talie e iloa e le tagata poto le ganea leia e ano ki ai, kae e saele taufa le tagata valea. Kae na kau iloa foki ko le nea e tasi e soko loa kia laua.

Ekelesiasi 2:21

Talie na gaoi se tagata i le poto, mo le atamai, mo le manuia, ti ko leinei e tonu ke tuku e ia le fua o ana gaoi fuli ki se tasi leia na leaise gaoi ki ai. Ko se tasi a ia vaiga ti ko se tai a ia veli lasi.

Esekiele 38:10

Koia e folafola ai le Aliki, le Eteleno, o pati : I le aso lena, e malaga loa ni manatu i lou loto, Ti e ke fai loa ni fakatuutuu veveli.

Luka 11:39

Kae na pati loa le Aliki kiate ia : Ko koutou kau faliseo, e kotou fakamea a tafa o le ipu mo le pa, kae i loto e kotou apele i kaia mo agaveli.

Gaoi 8:22

Koia ke ke fakasemala ki lau agaveli, o faikole ki le Aliki ke fakamolemole ki le manatu o lou loto, mo kapau e feala ;

Tetelonome 3:14

Ko Saili, vosa o Manase, na too ia loa le fenua katoa o Alekopi, i Pasani, o kaku ki le koiga o le kau Kesuli mo le kau Maaka ; na lotou fakaigoa loa a kolo liliki o le fenua lena ko kolo liliki o Saili, igoa leia na lotou maua loa o kaku mai ki le aso nei.

Uluaki tosi a Samuele 15:12

Na tuu ake loa a ia i le usu, o ano ki mua o Saulo. Ti na au loa o fakasa kiate ia : Kua ano Saulo ki Kalemelo, ti ko leinei, kua fakatuu e ia se fakamanatu kiate ia ; ti kua ifo foki a ia mei ai, o ano ki Kilikale.