Pesalemo 47:9 - Tosi Tapu

⁹ E pule le Atua i atu puleaga, E eke le Atua i lona ekeekeaga fakasau maokioki.

Pesalemo 47:9 ပူးပေါင်းရင်းမြစ်များ

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 72:11

E punou loa a sau fuli i ona mua, E tausi loa a atu puleaga fuli kiate ia.

Pesalemo 89:18

Talie ko le kololia a koe o lona makeke ; Ko lou kalasia leia e toe lagai ia lomatou makeke.

Pesalemo 97:9

Talie ko koe, Eteleno ! E ke Taualuga i le malama nei katoa, E siki a koe ki aluga o atua fuli.

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Taagapati 30:5

Ko folafola fuli a le Atua e mea. Ko se paletau a ia kia latou fuli ala e afa ia se mumuniaga iate ia.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Mateo 22:32

Ko le Atua au o Apalaamo, le Atua o Isaake, le Atua o Sakopo ? Ko le Atua e leaise ko le Atua a ia o le kau mate, kae ko le Atua a ia o le kau mauli.

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.