Pesalemo 47:6 - Tosi Tapu

⁶ E pale le Atua i loto malie o kalaga o le malo, E saele mai le Eteleno i le tagi o le fakatagi pupusi.

Pesalemo 47:6 ပူးပေါင်းရင်းမြစ်များ

Uluaki tosi o Koloniko 15:28

Na paleaki ake loa e Iselaele katoa le aleka o le sai a le Eteleno mo ni kalaga fakafiafia, mo ni tatagi o fakatagi pupusi, mo pa, mo lute, ti mo alepe.

Uluaki tosi o Koloniko 16:9

Kotou sua, kotou sua kiate ia ! Kotou masau ki ana gaoi fakaofolele fuli !

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Pesalemo 145:1

Fakafetai. A Tavite. E kau siki loa a koe, ei loku Atua, loku sau ! Ti e kau fakafetai loa ki lou suafa i temi fuli, o lee gato.

Pesalemo 68:4

Kae e fiafia le kau agatonu, e lotou malo i mua o le Atua, E lotou nekenekea.

Pesalemo 89:18

Talie ko le kololia a koe o lona makeke ; Ko lou kalasia leia e toe lagai ia lomatou makeke.

Ekesote 15:21

Na tali loa Malia ki fanau a Iselaele, o pati : Kotou sua ki le Eteleno, talie kua fakasa e ia lona kololia ; Na laku e ia ki le tai le osi mo le tagata ekeosi.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Mateo 27:37

Na tosi i aluga o lona ulu le tupuaga o lona mate : Ko ia leinei ko Sesu, ko le sau o le kau Sutea.