Pesalemo 47:4 - Tosi Tapu

⁴ E tuku e ia ni kakai ke fakalogo kia tatou, E tuku e ia ni puleaga ki lalo o tou vae.

Pesalemo 47:4 ပူးပေါင်းရင်းမြစ်များ

Pesalemo 136:22

Ko le tofiga o Iselaele, lana tagata fakasausau, Talie e lee gato lona manava alofa !

Pesalemo 16:3

Kae ko le kau sagato leia e nonofo i le fenua Mo le kau agatonu, ko le tauaga latou o loku alofa katoa.

Esaia 60:15

I mua na tiaki a koe ti na vesia kiate koe, Ti na leaise fakalaka se tasi iate koe, Kae i le aso nei e kau fakaliliu loa a koe ko se nea fakateuteu o lee gato, Ko se fiafiaaga ki tautupu mo tautupu.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Esekiele 20:6

I le aso lena, na kau siki loku lima kia latou, o fakamavae latou i le fenua ko Esipito ki se fenua leia na kau aga o afa kia latou, fenua e tafe ai le sua manu mo le meli, fenua fulumalie kese i fenua fuli.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Amosi 8:7

Kua fakapapau le Eteleno i le kololia o Sakopo : E leaise kau toe galoi loa sana gaoi fua e tasi.

Naume 2:2

Kua saele le tagata maumau kiate koe, Ninive. Taupau le kolo tau ! Leoleo le ala ! Teuteu le tau ! Tanaki lou makeke katoa !…

Malakia 1:2

Na kau alofa kia koutou, e pati le Eteleno. Kae e kotou pati : Kolea le nea leia na ke alofa ai kia matou ? Pe leaise ko le taina o Esau ko Sakopo ? e pati le Eteleno. Kae na kau alofa kia Sakopo,

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Tetelonome 11:12

ko se fenua leia e tokaga ki ai le Eteleno, lou Atua, ti e tuku tuumau ki ai a mata o le Eteleno, lou Atua, mei le kamataaga o le fetuu o kaku ki le oki o le fetuu.

Tetelonome 33:3

Io, e alofa a ia ki puleaga ; E nofo ana kau sagato fuli i lona lima. E lotou tutuu i lalo o ou vae, E lotou tali au folafola.

Uluaki tosi a Petelo 1:4

ti mo se tofiga leia e leaise mafai ke popo, pe kelekele, pe fefe, ti kua taofi atu kia koutou i le atu lagi,